Qaı til bolsa da adamdar sóılespese tul bolmaı ma? Aýyz ádebıeti teńdessiz baı qazaq tili de aýyzeki sóılegende tusaýyn sheshken tulpardaı ashyla, kósile túsetini ras. Adamdarǵa qyzmet kórsetetin baılanys salasy jumys barysynda naǵyz tildiń qoldanys aıasyn, órisin keńeıtedi. Jaqynda Qostanaıda «Memlekettik til – ult birliginiń basty faktory» atty dástúrli tilder festıvali ótti. Kólik jáne kommýnıkasııa mınıstrliginiń úılestirýimen jáne «Qazaqtelekom» AQ uıymdastyrýymen oǵan baılanys salasynyń «Qazaqtelekom», «Qazposhta», «Qazteleradıo», «Transtelekom», «Mobaıl Telekom servıs», «Ksell» kompanııalarynyń alty komandasy qatysty.
Qaı til bolsa da adamdar sóılespese tul bolmaı ma? Aýyz ádebıeti teńdessiz baı qazaq tili de aýyzeki sóılegende tusaýyn sheshken tulpardaı ashyla, kósile túsetini ras. Adamdarǵa qyzmet kórsetetin baılanys salasy jumys barysynda naǵyz tildiń qoldanys aıasyn, órisin keńeıtedi. Jaqynda Qostanaıda «Memlekettik til – ult birliginiń basty faktory» atty dástúrli tilder festıvali ótti. Kólik jáne kommýnıkasııa mınıstrliginiń úılestirýimen jáne «Qazaqtelekom» AQ uıymdastyrýymen oǵan baılanys salasynyń «Qazaqtelekom», «Qazposhta», «Qazteleradıo», «Transtelekom», «Mobaıl Telekom servıs», «Ksell» kompanııalarynyń alty komandasy qatysty. «Qazaqtelekom» aksıonerlik qoǵamy osy sharaǵa bıyl altynshy ret qatysty. Til jarysyna qatysqan komanda quramyndaǵy on qyzmetkerdiń jeteýi ózge ult ókilderi edi. Festıval kompanııalardaǵy negizgi qyzmet baǵyty jáne memlekettik tildi engizý máseleleri boıynsha ótkizilgen semınarlar, baıqaýlar jáne túrli is-sharalardyń materıaldary ornalastyrylǵan stendtter ekspozısııasymen bastaldy. «Jaıdarman» formatynda ótken negizgi baıqaý «Eń birinshi baqytym – tilim meniń...», «Shıratý», «Ázil-ospaq, tapqyrlyq» jáne «Mamandyǵym – maqtanyshym» atty tórt kezeńnen turdy. Olardyń barlyǵynda komandalar baılanys salasy qyzmetkerleriniń jumystaǵy, úıdegi ómirinen qyzyqty, kúlkili oqıǵalardy, sátterdi kórsetti. Munyń ózi til úırenýdi kúndelikti ómirdegi aýyzeki áńgime arqyly shıratýymen qatar, festıvaldiń kórermendi zeriktirmeıtin qyzyqty bolýyna da yqpal etti.
– Festıvaldiń basty maqsaty – baılanys salasyndaǵy iri kompanııalardyń arasynda memlekettik tildi meńgerýdi nasıhattaý bolyp tabylady. Bizdiń sala qyzmetkerleri úshin memlekettik tildi meńgerýdiń mańyzy zor. Kelýshi qaı tilde qyzmet kórsetýdi ótinish etse, sol tilde jaýap berýge mindettimiz. Festıvaldi «Qazaqtelekom» aksıonerlik qoǵamy osymen úshinshi ret ótkizip otyr. 2007 jyly bizdiń kompanııa is júrgizýge memlekettik tildi engizýge, ol úshin baılanys operatorlarynyń kúshin biriktirýge bastamashy bolǵan edi, – deıdi «Qazaqtelekom» aksıonerlik qoǵamy uıymdastyrý-baqylaý departamentiniń dırektory Naǵııa Smaǵulova. – Kompanııada jyl boıy memlekettik tilge qatysty jumystar atqarylyp otyrady.
Kólik jáne kommýnıkasııa mınıstrligi memlekettik tildiń qoldanys aıasyn keńeıtý jumystaryna jiti qaraıdy. Bıylǵy festıvalge «Qazaqteleradıo» komandasynyń qosylýy osynyń bir dáleli bolsa kerek. Aldaǵy bes jylda baılanys salasy kompanııalary arasynda tilder festıvalin ótkizýge jaýaptylar belgilendi. Kelesi jyly estafetany «K-sell» kompanııasy alatyn boldy.
Qostanaıda ótken tilder festıvalinde qazaqshasy ıkemge kelip qalǵan «Qazaqtelekom» aksıonerlik qoǵamynyń komandasy birinshi oryndy ıelendi. Qalǵan eki júldeni «Transtelekom» men «Mobaıl Telekomservıs» jaýapkershiligi shekteýli seriktestigi bólisti.
Názıra JÁRIMBETOVA,
«Egemen Qazaqstan».
QOSTANAI.
