Qazaq eli óziniń taǵy bir batyr ulyn aqtyq saparǵa shyǵaryp saldy. Almaty qalasyndaǵy Abaı atyndaǵy Qazaq opera jáne balet teatry ǵımaratynda qala halqy men qonaqtary kórnekti memleket jáne qoǵam qaıratkeri, Keńes Odaǵynyń Batyry, Halyq Qaharmany, táýelsiz Qazaqstannyń alǵashqy Qorǵanys mınıstri, armııa generaly Saǵadat Nurmaǵambetovpen qoshtasty.
Qazaq eli óziniń taǵy bir batyr ulyn aqtyq saparǵa shyǵaryp saldy. Almaty qalasyndaǵy Abaı atyndaǵy Qazaq opera jáne balet teatry ǵımaratynda qala halqy men qonaqtary kórnekti memleket jáne qoǵam qaıratkeri, Keńes Odaǵynyń Batyry, Halyq Qaharmany, táýelsiz Qazaqstannyń alǵashqy Qorǵanys mınıstri, armııa generaly Saǵadat Nurmaǵambetovpen qoshtasty.
Memleketimizdiń qorǵanys salasyna orasan zor eńbek sińirgen qaıratkerdi sońǵy saparǵa shyǵaryp salýǵa Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaev, Parlament Májilisiniń Tóraǵasy Nurlan Nyǵmatýlın, Qaýipsizdik Keńesiniń Tóraǵasy Qaırat Qojamjarov, Ulttyq Qaýipsizdik Komıtetiniń Tóraǵasy Nurtaı Ábiqaev, Qorǵanys mınıstriniń birinshi orynbasary Sáken Jasuzaqov, Almaty qalasynyń ákimi Ahmetjan Esimov bastaǵan qoǵam jáne memleket qaıratkerleri keldi.
Jıylǵan kópshilik aldynda B.Saǵyntaev Elbasy Nursultan Nazarbaevtyń buıryǵymen Saǵadat Nurmaǵambetovti aqtyq saparǵa shyǵaryp salý isimen aınalysatyn úkimettik arnaıy komıssııanyń qurylǵandyǵyn jáne sol komıssııanyń jetekshisi retinde Qazaqstan Respýblıkasynyń Prezıdenti Nursultan Nazarbaevtyń marqumnyń otbasyna jáne týǵan-týystaryna joldaǵan kóńil aıtý hatyn oqyp berdi.
Memleket basshysynyń kóńil aıtý haty oqylǵannan keıin Saǵadat Nurmaǵambetovtiń qarýlas dostary men áskerı salada tárbıesin kórgen shákirtteri qoshtasý sózin aıtyp, Qazaq eli Saǵadat Nurmaǵambetovti eshqashan umytpaıtynyn, tek áskerıler ǵana emes, kúlli qazaqstandyqtar ol kisiniń eńbegi men erligi aldynda bas ıetinin jetkizdi.
Bir sát qala kóshelerindegi qozǵalys toqtatylyp, ardagerdiń denesi salynǵan áskerı máshıne sońynan sap túzegen qalyń qaýym aza kúıiniń súıemelimen taý bókterindegi zıratqa jol tartty. Áskerı bólimderdiń sarbazdary men áskerı mektepterdiń túlekteri qaraly sherýdiń jolyna gúl tósep, erligimen eline qyzmet etken erge laıyqty qurmet kórsetti. Qazaqtyń qaharman ulymen qoshtasý rásimi barysynda Royal Tulip Almaty meıramhanasynda as berilip, marqumnyń rýhyna quran baǵyshtaldy.
Qanat ESKENDIR,
«Egemen Qazaqstan».
ALMATY.
