«Qazir oblys aýmaǵynda qozǵalys shektelmegen, oblys ortalyǵynan Soltústik Qazaqstan oblysynyń aýmaǵynda ornalasqan barlyq eldimekenderge shyǵýǵa bolady. Tek barlyq sanıtarlyq-epıdemıologııalyq talaptardyń qatań saqtalýy talap etiledi. Oblystan tys jerge – jergilikti atqarýshy organdardyń kelisimi boıynsha ruqsat etilgen qujatpen ǵana shyǵýǵa bolady», - deıdi PD Jergilikti polısııa qyzmeti basqarmasynyń bastyǵy, polısııa podpolkovnıgi Aıdyn Baımatov.
Blok beketterge qazir 202 polısııa, sondaı-aq medısınalyq jáne veterınarlyq qyzmetkerler jumyldyrylǵan. Polıseıler aımaqtaǵy karantındik sharalardyń jeńildegenine qaramastan eldegi jáne Reseı Federasııasynyń shekaralas aýdandaryndaǵy epıdemıologııalyq jaǵdaıǵa baılanysty shekteýlerdi saqtaý qajettiligi jalǵasyp jatqandyǵyn aıtty. Bas sanıtarlyq dárigerdiń Qaýlysyna sáıkes, qazirgi ýaqytta kórshilerdiń, tanystardyń, týystardyń jáne áriptesterdiń kelýine shekteý qoıyldy.
Sonymen qatar turǵylyqty jeri boıynsha otbasylyq is-sharalardy ótkizýge áli de tyıym salynǵan. Sondaı-aq, qoǵamdyq oryndarda 3 adamnan artyq toptasýǵa bolmaıdy. Dúkenderge jáne basqa da oryndarǵa barǵan kezde betperde kııý rejimin saqtaý ózgergen joq.
Soltústik Qazaqstan oblysy
