2013 jyly respýblıkalyq «Rasıonalızator.KZ» baıqaýyna barlyǵy 130 ótinish kelip tústi. Bul byltyrǵy jylǵy kórsetkishten 26 paıyzǵa kóp (103 ótinish).
2013 jyly respýblıkalyq «Rasıonalızator.KZ» baıqaýyna barlyǵy 130 ótinish kelip tústi. Bul byltyrǵy jylǵy kórsetkishten 26 paıyzǵa kóp (103 ótinish).
Esterińizge sala keteıik, «Rasıonalızator.KZ» baıqaýy jekelegen rasıonalızatorlardy, sondaı-aq rasıonalızatorlyq qozǵalysty engizýshi kásiporyndardy anyqtaý men qoldaýdy maqsat tutady. Baıqaýdyń televızııalyq nusqasy «Jyldyń úzdik rasıonalızatorlyq sheshimi», «Rasıonalızatorlyqty qoldaýdyń úzdik júıesi» nomınasııasy boıynsha jeńimpazdardyń eńbeginen qurylǵan.
Baıqaýǵa bıyl elimizdiń barlyq óńirinen ótinishter kelip tústi. Kelip túsken ótinishterdiń basym bóligi Astanalyq rasıonalızatordyń úlesine tıesili – barlyǵy 31 ótinish. Ekinshi orynda OQO – 23 ótinish jáne Qaraǵandy oblysy – 16 ótinish, Pavlodar oblysy – 11 ótinish, Almaty oblysy – 10 ótinish.
«Jyldyń úzdik rasıonalızatorlyq sheshimi» nomınasııasyna kelip túsken ótinishterdiń 34%-y mashına jasaý, 17%-y metallýrgııa, 14%-y energetıka, 13%-y munaıhımııasy, 11%-y aýyl sharýashylyǵy salasyna tıesili.
Barlyq ótinishterdiń 5%-y taý-ken óndirisi, 2%-y densaýlyq saqtaý jáne óndiris, tek 1%-y telekommýnıkasııa jáne ıadrolyq tehnologııa salasyna tıesili.
«Rasıonalızatorlyqty qoldaýdyń úzdik júıesi» nomınasııasy boıynsha ótinishterdiń basym bóligi munaı hımııasy salasynan kelip tústi. Barlyǵy – 22%. Odan keıingi oryndarda aýyl sharýashylyǵy jáne mashına jasaý salalaryna qatysty – 11%.
Baıqaýdy ótkizýdiń sharttaryna sáıkes, kelip túsken barlyq ótinishter arasynan 10 úzdik joba tańdalyp alynady. Joba avtorlary Qazaqstan ulttyq arnasynan jaryq kóretin «Rasıonalızator.KZ» telejobasynyń keıipkerine aınalady. Baǵdarlamada rasıonalızatorlar óziniń rasıonalızatorlyq sheshimi jaıynda áńgime qozǵap, óndiriske engizilgen sheshimniń tıimdiligin kórermenderge kók jáshik arqyly dáleldeýge múmkindik alady. Baıqaýdyń qos nomınasııasy boıynsha jeńimpazdardyń esimi qazan aıynyń 18 juldyzynda jarııa etiledi.
2013 jylǵy jalpy júlde qory: 1 oryn – 2,5 mln.teńge, 2 oryn – 1,5 mln.teńge jáne 3 oryn – 1 mln.teńge. Baıqaýdyń jalpy júlde qory 5 (bes) mıllıon teńge.
«Egemen-aqparat».
