Federasııa saıty taratqan aqparatta atalǵan sheshimdi tek qana ITF saıystary emes, sonymen qatar erler arasyndaǵy kásipqoı tennıs assosıasııasy (ATP) men áıelder tennıs assosıasııasy (WTA) da qabyldaǵan. Osylaısha erler arasyndaǵy Gambýrg, Nıýport, Bostad, Los-Kabos, Gshtad, Ýmaga, Atlanta jáne Kısbıýeldaǵy, sonymen qatar áıelder arasyndaǵy Býharest, Lozanna, Palermo, Iýrmala, Nıý-Heıven jáne Karlsrýedaǵy básekeler keıinge shegerildi.
Buǵan deıin, ITF barlyq jarysty 13 shildege deıin ótpeıtinin málimdegen edi. Sol aralyqta «Úlken dýlyǵa» sanatyndaǵy Ýımbldon básekesin ótkizý ýaqyty keıinge sozylǵan-dy. Sonymen qatar «Rolan Garros» týrnıri kóktemnen kúz aıyna aýystyrylsa, AQSh ashyq chempıonaty Nıý-Iorkten Kalıfornııanyń Indıan-Ýells qalasyna kóshirý týraly usynys qaralyp jatyr.
