Halyq senimi – órkendeýdiń basty tutqasy

Keshe Qaraǵandyda «Nur Otan» HDP oblystyq fılıaly­nyń kezekten tys HVIII konferensııasy ótti. О́ńir ómirindegi mańyzdy basqosýǵa partııanyń jergilikti uıymdarynan saılanǵan 318 delegat qatysty.

Keshe Qaraǵandyda «Nur Otan» HDP oblystyq fılıaly­nyń kezekten tys HVIII konferensııasy ótti. О́ńir ómirindegi mańyzdy basqosýǵa partııanyń jergilikti uıymdarynan saılanǵan 318 delegat qatysty.

Konferensııany partııa fılıalynyń tóraǵasy, oblys ákimi Baýyrjan Ábdishev ashyp, «Qazaqstan-2050» Strategııasyn júzege asyrý aıasynda «Nur Otan» HDP-nyń jańa mindetteri týraly» baıandama jasady. Aımaq basshysy óz sózinde atalǵan baǵytta atqarylyp jatqan jumystar men alǵa qoıylǵan maqsattarǵa keńinen toqtaldy. О́ndiristi ólke boıynsha el ekonomıkasyn damytýǵa qosar úlesti odan ári úlkeıtýge, Elbasy tapsyrmalaryn tyńǵylyqty oryndaýǵa tolyq múmkindikter bar. Bul rette nurotandyqtar belsendiligi – basty arqa súıer kúsh. Biz bárimiz sonyń úlgisin tanytýymyz kerek, dedi Baýyrjan Túıteuly.

Oblystyq partııa fılıaly tóraǵasynyń birinshi orynbasary Qadısha Ospanova sóz kezeginde partııanyń jańa Saıası doktrınasy jobasy barsha qazaqstandyqtar sııaqty qaraǵandylyqtar tarapynan da zor ynta týdyryp, qyzý talqylanýda ekenin tilge tıek etti. Jıyndarda aıtylǵan, kelip túsken usynys-pikirler jınaqtalyp, nazarǵa alynatynyn jetkizdi.

Konferensııada «Nur Otan» HDP Saıası keńesi bıýrosynyń múshesi, Respýblıkalyq bıýdjet­tiń atqarylýyn baqylaý jónindegi esep komıtetiniń tóraǵasy Aslan Mýsın sóz sóıledi.

Jaryssózge qatysqan «Nur Otan» HDP Oktıabr aýdandyq ­fılıaly «Jańa Maıqudyq mádenıet úıi» bastaýysh partııa­ uıymynyń tóraıymy Aıgúl Ábilǵazına, «Imstalkon Temir­taý» JShS jetekshisi Ivan Geor­gıadı, mýzykalyq komedııa teatry­nyń dırektory Amantaı Ybraev jańa Doktrınada aıqyn­dalǵan ulttyń ıntellektýaldy­ damýy, myqty ekonomıka órkendeýdiń basty tutqasy, ózindik turmys mádenıeti jáne rýh kúshi ekenin aıta kelip, HHI ǵasyrda qazaqstandyq biregeılikti saqtaý jaıly oı-pikirlerin bildirdi.

Alqaly basqosýǵa qaty­sýshylar atynan aldaǵy qazan aıynda ótetin «Nur Otan» HDP-nyń kezekten tys HV sezine Qaraǵandy oblysynan 110 delegat saılandy.

Aıqyn NESIPBAI,

«Egemen Qazaqstan».

QARAǴANDY.