Qazir aýdanda onyń negizgi aspektilerin júzege asyrýǵa qatysty jumystar atqarylýda. Áleýmettik nysandar qurylysy, óńirdiń eldimekenderinde úlgili kitaphanalar ashý, kıeli oryndardy nasıhattaý isi jandana túsken. Eń bastysy ár joba aýdannyń áleýetin arttyryp, jańa esimderdi tanytýǵa múmkindik beredi.
Bıyl «Bolashaqqa baǵdar: rýhanı jańǵyrý» baǵdarlamasyna 3 jyl. Ony júzege asyrý aıasynda óńirde alǵashqylardyń biri bolyp aýdandyq orta mektepte «Rýhanı jańǵyrý» kabıneti ashyldy. «Týǵan jer» arnaıy jobasy aıasynda Jańa-Qıma, Zaporojskoe jáne Lozovoe aýyldarynda úlgili kitaphanalar paıda boldy. Aldaǵy ýaqytta Podgornoe eldimekeninde de ashylmaq. Budan bólek «Qazaqstannyń 100 jańa esimi» respýblıkalyq jobasynyń jeńimpazdary arasynda Jaqsy aýdanynyń turǵyndary da bar.
– Osy baǵdarlama qolǵa alynǵaly beri biz birqatar jetistikterge qol jetkizdik. Mysaly jerlesterimiz, bokstan álem chempıony Dına Jolaman men prodıýsser Aıdıe Aıdarbekov jobanyń jeńimpazy atandy. Kıeli oryndardyń respýblıkalyq tizimine Kenesary hannyń úzeńgilesi, qazaqtyń batyry Baýbektiń kesenesi endi. Sonymen birge osy keseneniń ashylǵanyna 25 jyl tolýyn aýqymdy túrde atap óttik. «Jaqsynyń jaqsysy – Baýbek» atty kitap jaryq kórdi,–deıdi Jaqsy aýdany ákiminiń orynbasary Lázzat Seıdahmetova.
Qazirgi tańda Jaqsy aýdanynda 80-nen artyq shara ótkizilip, birneshe joba júzege asyryldy. Sonyń biri «Rýhanı qazyna» ishki baǵdarlamasy aıasyndaǵy respýblıkalyq tizimge engen «О́nerli qol – baqytqa jol» jobasy.
– «Rýhanı jańǵyrý». Osy eki sóz qarttyń da, balanyń da sanasyna serpilis berdi. Men de osy baǵdarlamanyń júzege asýyna óz úlesimdi qostym. Aýdandyq ortalyq kitaphanada men «О́nerli qol – baqytqa jol» jobasyn júzege asyrdym. Onyń maqsaty – jastardyń qolónerge degen qyzyǵýshylyǵyn arttyryp, tigin sheberleriniń jumysyn damytý,–deıdi Jaqsy aýdanynyń turǵyny Baǵdagúl Nurjanova.
Budan bólek kásipkerlik sektorynyń da qosqan úlesi zor. Jergilikti mesenattar oıyn alańdaryn, mamandarǵa arnalǵan úı, qoǵamdyq monsha salýǵa kómektesýde. Sondaı-aq olar 2 mln teńgege deıin qarjylaı demeýshilik kórsetken. Kásipkerler týǵan ólkeniń gúldenýi úshin qaıyrymdy sharalar legin áli de jalǵastyra bermek.
