Qazaqstan Respýblıkasy Parlamenti Senatynyń Tóraǵasy Qaırat Mámı Lıýksembýrg Uly Gersogtiginiń elshisi Per Ferrıngti qabyldady, dep habarlady palatanyń baspasóz qyzmeti.
Qazaqstan Respýblıkasy Parlamenti Senatynyń Tóraǵasy Qaırat Mámı Lıýksembýrg Uly Gersogtiginiń elshisi Per Ferrıngti qabyldady, dep habarlady palatanyń baspasóz qyzmeti.
Kezdesýde eki eldiń saıasat jáne saýda-ekonomıka salalaryndaǵy ózara is-qımylynyń ózekti máseleleri talqylandy. Joǵary deńgeıdegi ózara senimdi dıalog qalyptasqany, úkimettik jáne iskerler qaýymdastyqtary deńgeıindegi baılanystar óristep kele jatqany aıtyldy.
Q.Mámı atap ótkendeı, eki eldiń parlamentshileri arasyndaǵy únqatysý memleketaralyq ózara is-qımyldyń mańyzdy bóligi bolyp tabylady. Qazaqstan Parlamentiniń Senaty Lıýksembýrg Parlamentimen tyǵyz baılanystar ornatýǵa, sondaı-aq EQYU jáne NATO Parlamenttik assambleıalary sekildi halyqaralyq parlamentaralyq uıymdar aıasynda kópjaqty baılanystardy damytýǵa múddeli. Osyǵan qosa, Qazaqstan úshin Lıýksembýrgpen ekijaqty yntymaqtastyqty damytý Eýropalyq Odaqpen strategııalyq áriptestikti óristetý turǵysynda da mańyzdy bolyp tabylady.
«Qazaqstan Lıýksembýrgtiń aımaqtaǵy negizgi áriptesi bolyp tabyldy jáne biz sizdiń elińizben yntymaqtastyqty keńeıtýge múddelimiz», – dedi P.Ferrıng óz kezeginde. Onyń pikirinshe, Lıýksembýrg Qazaqstanǵa halyqaralyq ınvestısııa tartý úshin jaqsy tuǵyrnama bola alady.
