Naırobıdegi saýda ortalyǵyna shabýyl jasaǵan «Al-Shabab» uıymynyń sodyrlary Kenııa aýmaǵyna taǵy shabýyl jasady. Bul týraly «vesti.ru» habarlady.
Sodyrlar bul joly Somalımen shekaralas jatqan eki qalaǵa basyp kirdi. Ázirge úsh adamnyń qaza bolǵany jóninde derek bar. Lańkester Somalıden Kenııa áskeriniń shyǵarylýyn talap etýde. Olar talaptary oryndalmaǵan jaǵdaıda shabýyldaryn jalǵastyra beretinin eskertti.
Keshe Interpol Naırobıdegi shabýylǵa baılanysty brıtanııalyq Samanta Lıýtveıtti qamaýǵa alý jóninde sheshimge keldi. Qazir arnaıy qyzmet ókilderi Samanta Lıýtveıttiń qandaı jolmen «Al-Shabab» uıymymen baılanys ornatqanyn anyqtaý ústinde.
Aıdar О́risbaev.
