Memleket basshysy Qasym-Jomart Toqaevtyń 2020 jylǵy 31 naýryzdaǵy málimdemesinde kásipkerlik sektordy qoldaýǵa baǵyttalǵan birqatar mindetter belgilengen. Sonyń ishinde Prezıdent agroónerkásiptik keshendi úzdiksiz qamtamasyz etý, shaǵyn jáne orta bıznesti nesıeleýdi arttyrý qajettiligin erekshe atap ótken bolatyn.
Aýyl sharýashylyǵyn qarjylaı qoldaý qory óziniń nesıe ónimderi arqyly aýyldyqtardy mal sharýashylyǵyn damytý baǵyttary boıynsha qarjylandyryp keledi. Qor bıyl mal sharýashlyǵymen aınalysamyn deýshilerge 30 mln teńgege deıingi somada nesıe berýdi josparlap otyr. Iri qara, qoı jáne túıe sharýashylyǵyn damytýǵa beriletin nesıeniń merzimi 10 jylǵa deıin. Nesıeniń jyldyq syıaqy mólsheri 16%, biraq onyń 10 prosentin memleket sýbsıdııalaıdy. Iаǵnı, sharýa nesıeni 6 prosentpen tóleıdi. Negizgi boryshty óteý boıynsha eki jylǵa deıin, al, syıaqyny óteý boıynsha bir jylǵa deıingi jeńildik merzimi qarastyrylǵan. Negizgi borysh pen syıaqyny aı saıyn, toqsan saıyn nemese jarty jylda bir tólep turý múmkindigi de jasalǵan. Nesıe jeke kásipkerlikterge, sharýa qojalyqtaryna jáne fermerlik sharýashylyqtarǵa baǵyttalǵan.
Mal sharýashylyǵyn damytýdy josparlaǵan kásipkerge qoıylatyn birqatar talap ta bar. Eń aldymen árıne, iri qara ustaıtyn qorasy men jaıylymdyq jeri bolýy qajet jáne tólin bordaqylaý alańyna tapsyrý jóninde kelisimshart jasasýy tıis. Qazirgi ýaqytta sharýalardyń barlyǵy qolda bar malyn asyldandyryp, sapasyn arttyrý baǵytynda jumys júrgizip jatyr. Qordan nesıe alǵan kásipker de malyn asyldandyrýy tıis. О́ıtkeni, asyl tuqymdy maldyń utymdy tustary kóp. Eger, birden asyl tuqymdy sıyr satyp alynatyn bolsa 25% jeke menshik múlikti jáne 75% satyp alynatyn maldy kepilge qoıý arqyly qarjylandyrý máselesi de qarastyrylady.
Qoı sharýashylyǵyn damytamyn degenderdiń de qora-jaıy men jaıylymdyq jeri bolýy tıis. Toqtylaryn et óńdeıtin kásiporynǵa tapsyrý kelisimshartyn jasasady. Túıe sharýashylyǵy boıynsha da túıe sútin, júnin qaıta óńdeý kásipornyna tapsyrý jóninde kelisim jasalýy kerek.
Eń bastysy úmitkerdiń nesıe tarıhy jaqsy bolǵany abzal. Kepilge qoıatyn múlki bolýy shart. Budan bólek, bıýdjettik jáne qarjy uıymdarynyń aldynda merzimi ótken bereshegi bolmaýy tıis.
Barlyq oblys ortalyqtarynda, Nur-Sultan, Almaty jáne Shymkent qalalarynda Qordyń fılıaldary jumys isteıdi.
«Aýyl sharýashylyǵyn qarjylaı qoldaý qory» AQ - «QazAgro» Ulttyq basqarýshy holdınginiń quramyna kiretin mamandandyrylǵan qarjy-nesıelik uıym. Qordyń negizgi mindeti – agroónerkásip kesheni salasyndaǵy basymdyqqa ıe salalar boıynsha aýyl kásipkerligin qarjylandyrý.
