Jalpy, PTR zerthanasy, naqtyraq aıtqanda polımerli tizbekti reaksııa taldaýy adam boıynda koronavırýs ınfeksııasynyń belgisi bar-joǵyn jyldam ári naqty anyqtaıtyn ádis eken. Iаǵnı, zerthana jumysy molekýlıarly bıologııa tásilimen júrip, fermentterdiń kómegimen juqpaly indettiń izin erte taýyp, emdeýge múmkindik beredi. Al Almaty oblystyq densaýlyq saqtaý basqarmasynyń Eńbekshiqazaq aýdanyn tańdap, PTR zerthanasyn ashýǵa qoldaý kórsetiýiniń ózindik sebebi bar eken. Áýeli, Esiktegi klınıka aımaqtaǵy eń iri medısınalyq mekeme qatarynda. Bul aımaqtaǵy adamdarǵa qyzmet kórsetýdiń aýqymyn arttyrýǵa meılinshe múmkindik bermek. Jáne qazirge deıin aýdandyq aýrýhana dárigerleri juqpaly indet juqtyrǵan naýqastardy qabyldap, em-dom jasaýmen aınalysyp jatyr ári bul qyzmeti sapaly kórsetýde.
Ekinshiden, aýdandyq klınıka tarapynan aldyn ala daıyndyq sharalary tolyqtaı júrgizildi. Bul zerthanada jumys isteıtin mamandar biliktilikterin arttyryp, osy jumysqa beıimdelgen eken. PTR zerthanasy ǵımarattyń jeke blogynda ornalasqandyqtan kelýshilerdiń kirip, shyǵý men bıologııalyq materıaldardy qabyldaýdyna qolaıly jaǵdaı jasalǵan. arnalǵan jeke esik arqyly júrgiziledi. Iаǵnı, endi Esiktegi PTR zerthanasyna júginýshiler naýqas kórsetkishteri men belgileri boıynsha jáne dárigerdiń joldamasymen naqty ýaqyt rejıminde juqpaly aýrýǵa qarsy dıagnostıkadan óte alady.
Sondaı-aq, Eńbekshiqazaq aýdandyq kópsalaly aýrýhanasynda koronavırýspen kúres kezeńinde úsh satydaǵy stasıonarlyq ortalyq uıymdastyrylǵan eken. Bul da PTR zerthanasynyń jumysyn sapaly júrgizýge tájirıbe men bilik turǵysynan járdemin tıgizbek. Máselen, aýrýhanadaǵy karantın stasıonary 13 naýryzdan bastap ashylyp, qazirge deıin 140 pasıent qabyldaǵan. Em alǵan 100 naýqas tolyqtaı ońalyp, úılerine barýǵa ruhsat alypty.
Al provızorlyq stasıonar Tótenshe jaǵdaı jarııalanǵan alǵashqy kúninen bastap qyzmetke kirisken. Osy aralyqta provızorlyq baqylaýǵa jalpy 86 pasıent alynsa, onyń sekseni tolyq emdeý kezeńinen ótip, dertten aıyqqan eken. Jáne aýrýhanadaǵy ınfeksııalyq stasıonar da 29 naýryzdan bastap koronavırýsqa shaldyqqan pasıentterdi qabyldaı bastady. Búginge deıin stasıonarǵa 84 pasıent jatyp, shyqqan. Áli de 36 naýqas osynda em qabyldaýda.
Aıtpaqshy, Almaty oblysynyń Eńbekshiqazaq aýdanyndaǵy zamanaýı PTR-zerthananyń ashylýyna «Birgemiz Jetisy» qoǵamdyq qory qarjylaı qoldaý kórsetip otyr eken.
Almaty oblysy
