Koronavırýs • 20 Mamyr, 2020

Teńiz kenishinde 935 adam indet juqtyrdy

224 ret kórsetildi

Memlekettik bas sanıtarlyq dáriger Aıjan Esmaǵambetova elimizdegi koronavırýs indetine qatysty sońǵy derektermen bólisti.

«О́tken aptada skrınıng kezinde 80 paıyzǵa jýyq naýqas anyqtaldy. Sondaı-aq beligili bir ujymdar arasynda ınfeksııa juqtyrǵandar kóbeıýde. Máselen Teńiz kenishinde búgindikke vırýs juqtyrýdyń 935 jaǵdaıy tirkeldi. Sol sııaqty Shymkenttegi PetroKazakhstan qyzmetkerleri arasynda 101 adam vırýs juqtyrǵan. Sonymen qatar úı karantınindegi adamdarmen baılanysta bolǵan 69 adamnan indet anyqtaldy. Qaraǵandy oblysyndaǵy Qazaqmys koorporasııasynda 34 jaǵdaı tirkeldi», dedi Aıjan Esmaǵambetova.

Onyń aıtýynsha, Teńizdegi koronavırýstyń kóbeıýine baılanysty Atyraý oblysyna úkimettik komıssııa jiberilgen. Ken ornyndaǵy jumys ýaqyty men saqtyq sharalary jóninde komıssııa sheshimi shyǵaryldy. Qazir osy saqtyq sharalaryn saqtaý boıynsha baqylaý júrgizilýde. Eger ol saqtyq sharalary saqtalmasa, juqtyrǵandar sany kúrt ósýi múmkin. Memlekettik bas sanıtarlyq dáriger bul jaǵdaıda kásiporyn májbúrli túrde jumysyn toqtatatynyn aıtty.

Uqsas jańalyqtar