Búgin, 27 qyrkúıek kúni «Nur Otan» HDP Ońtústik Qazaqstan oblystyq fılıalynyń úlken májilis zalynda oblystyq fılıaldyń kezekten tys HHI konferensııasy ótti. Bul týraly oblys ákiminiń baspasóz qyzmeti habarlady.
Konferensııada «Qazaqstan-2050» Strategııasyn júzege asyrý aıasynda «Nur Otan» Halyqtyq Demokratııalyq partııasynyń jańa mindetteri qaralyp, partııanyń «Nur Otan». Nurly bolashaq jolynda» jańa saıası Doktrınasy jobasy talqylandy jáne partııanyń kezekten tys HV sezine delegattar saılandy.
Májiliste alǵash bolyp sóz alǵan oblys ákimi, partııanyń oblystyq fılıalynyń tóraǵasy Asqar Myrzahmetov jańa doktrınanyń mańyzdylyǵy men qajettiligin aıta otyryp, doktrınada memleketimizdiń damýyn aıqyndaıtyn negizgi baǵyttar kórsetilgendigine aıryqsha toqtaldy. Ultaralyq dostyq pen ózara syılastyq memleket damýynyń basty baǵyty ekenin atap ótken óńir basshysy oblysymyzdyń ózinde túrli ult ókilderi bas qosyp, tize túıistirip yntymaqty tirlik etip jatqandyǵyn aıryqsha atady. Ultaralyq tatýlyqty nyǵaıtý baǵytynda nátıjeli jumystyń arqasynda «Yrys aldy - yntymaq» forýmy turaqty túrde ótkizilip jatqandyǵyn, óńirimizde 20-dan astam etnomádenı birlestikter ashylǵandyǵyn tilge tıek etti.
Oblys basshysy sonymen qatar áleýmettik-ekonomıkalyq baǵytta da jetistikterimiz bar ekendigine de toqtalyp, ár aýdan, ár eldi mekenderdiń áleýmettik kartasy ázirlengendigin baıandady.
«Osy jumystardyń barlyǵy Elbasymyz júrgizip otyrǵan saıasattyń arqasy, jańa doktrınaǵa saı keletin ister», - dedi A.Myrzahmetov.
Konferensııada sondaı-aq Parlament Májilisiniń depýtaty U.Sádibekov, Memlekettik qyzmet isteri agenttigi Ońtústik Qazaqstan oblystyq departamentiniń basshysy B.Bekjanov, «Jas Otan» jastar qanatynyń atqarýshy hatshysy J.Qaltaev kún tártibindegi máseleler boıynsha óz oılaryn ortaǵa saldy.
Jumys reglamentine sáıkes konferensııa qatysýshylary partııanyń kezekten tys HV sezine delegattar saılady. Kópshiliktiń qoldaýymen Astanada ótetin sezge oblysymyzdan baratyn 101 adam saılandy. Ońtústik delegattaryn oblys ákimi A.Myrzahmetov bastap barady dep sheshildi. Saılanǵan delegattardyń ishinde máslıhat depýtattary, qoǵam qaıratkerleri, bıznes ókilderi men belgili sportshylar bar.
Sáken Maılybaı.
