Elordanyń Gaýhar esimdi turǵyny buryn ony zańsyz jumystan shyǵarǵandyqtan kómekke júgindi. Ákimdik aralasqannan keıin áıel adamdy jumysqa qaıta alǵan. О́ndiris (Baıqońyr aýdany) eldi-mekeniniń turǵyny Qarlyǵash Nabıýllına qardy ýaqytyly tazalap, turǵyndardyń birqatar suraqtaryn sheshkeni úshin alǵysyn bildirdi.
«Bizdiń eldi-mekendi kóktem saıyn sý basatyn. Bıyl qardyń úsh ese kóp bolǵanyn eskere otyryp, sý basady dep oıladyq. Alaıda, kommýnaldyq qyzmetkerler men ákimdikdiń táýlik boıy jumys isteýiniń arqasynda úılerdi sý basqan joq. Biz kótergen basqa máseleler de sheshildi. Qazir bizdiń aýdandaǵy apatty jataqhanany buzý máselesin sheshý qaldy», - dedi Qarlyǵash Nábıýllına.
Elorda ákimi Altaı Kólginov TJ jáne karantın rejımin engizgennen bastap 80-ge jýyq adamdy onlaın qabyldasa, jyl basynan beri 400 adamdy qabyldady. Máselelerdiń basym bóligi sheshildi. Olardyń qatarynda qosymsha bilim alý, jumysqa ornalasýǵa kómek kórsetý, medısınalyq kómek alý, azyq-túlik sebeti, qorǵanys quraldary jáne t.b. áleýmettik kómek kórsetý.
