Parlament • 21 Mamyr, 2020

Senatorlar saıası partııalardy qurý úshin tirkeýdi jeńildetetin zań qabyldady (vıdeo)

49 ret kórsetildi

Máýlen Áshimbaevtyń tóraǵalyq etýimen Parlament Senatynyń otyrysy boldy. Eń aldymen, senatorlar Prezıdenttiń usynýy negizinde jáne Konstıtýsııaǵa, sondaı-aq, «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýsııalyq zańyna sáıkes Baýyrjan Tursynuly Jumaǵulov pen Asqar Spartakuly Smaıylovty basqa qyzmetke taǵaıyndalýyna baılanysty Joǵarǵy Sottyń sýdıasy qyzmetterinen bosatty. Bul týraly Senattyń baspasóz qyzmeti habarlady.

Depýtattar «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýsııalyq zańyna tolyqtyrýlar engizý týraly» Qazaqstan Respýblıkasynyń Konstıtýsııalyq zańyn jáne «Saıası partııalar týraly» Qazaqstan Respýblıkasynyń Zańyna ózgeris pen tolyqtyrýlar engizý týraly» zańdy qabyldady.

Senat Tóraǵasy qabyldanǵan zańdardyń Qazaqstannyń qoǵamdyq-saıası júıesin demokratııalandyrý men nyǵaıtý turǵysynan mańyzdylyǵyn atap ótti.

«Prezıdentimizdiń usynysymen búgin qabyldanyp otyrǵan zańdar eldiń saıası ómirinde erekshe mańyzǵa ıe. Saıası partııalardy qurý men tirkeý talaby edáýir jeńildetilip otyr. Partııalardy tirkeýdiń talaptyq shegi tómendetildi. Qabyldanǵan zańdar kóp partııalyq júıeni odan ári nyǵaıtýǵa septigin tıgizetini sózsiz. Sondaı-aq, partııalardyń saılaý tiziminde áıelder men jastar úshin 30 paıyzdyq mindetti kvota belgilendi. Bul áıel adamdardyń jáne jastarǵa elimizdiń qoǵamdyq-saıası ómirine belsene qatysý úshin qosymsha múmkindik beredi. Mundaı ózgertýlerdi demokratııalyq damý jolyndaǵy naqty qadam dep qarastyrýymyz kerek. Olar saıası júıemizdi ári qaraı damytýǵa úles qosady dep senemiz», - dedi Máýlen Áshimbaev.

Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkovtyń aıtýynsha, bul qujattardyń negizgi mindeti – saıası partııalardy qurý úshin tirkeý kedergisin 40 myńnan 20 myń adamǵa deıin tómendetý. Sondaı-aq, bir saıası partııadan Májilis pen máslıhat depýtattyǵyna kandıdattardy tirkeý úshin tizimge engizilgen adamdardyń jalpy sanynyń keminde 30 paıyzy kóleminde áıelder men jıyrma toǵyz jasqa deıingi jastar úshin kvota belgileýdi kózdeıdi.

Sonymen qatar otyrys barysynda «Qazaqstan Respýblıkasynyń keıbir zańnamalyq aktilerine Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men tyıym salynǵan aýdandar máseleleri boıynsha ózgerister men tolyqtyrýlar engizý týraly» zań eki oqylymda qaralyp, qabyldandy.

Parlament depýtattarynyń bastamasymen ázirlengen zań jobasy Qarýly Kúshter, basqa da áskerler men áskerı quralymdar arsenaldarynyń, bazalary men qoımalarynyń jumys isteýiniń qaýipsizdigin, oq-dárilerdi saqtaý kezinde tótenshe jaǵdaı týyndaýy múmkin bolǵanda halyqty qorǵaýdy qamtamasyz etý salasyndaǵy zańnamany jetildirýge baǵyttalǵan.

Zań jobasymen elimizdiń birqatar zańnamalyq aktilerine túzetýler engiziledi. Soǵan sáıkes Qarýly Kúshterdiń, basqa da áskerler men áskerı quralymdardyń arsenaldarynyń, bazalary men qoımalarynyń aýmaǵy jerdi erekshe sharttarmen paıdalaný aımaqtaryna jatqyzylady. Qazaqstan Respýblıkasynyń Úkimetine tyıym salynǵan aımaqtar men aýdandardyń tizbesin, sondaı-aq, olardy belgileý erejesin bekitý quqyǵy, al oblystardyń, respýblıkalyq mańyzy bar qalalardyń, astananyń ákimdikterine olardyń shekaralary men ornalasqan jerin tıisti memlekettik organdarmen kelisý quqyǵy beriledi. Arsenaldardy, bazalar men qoımalardy tikeleı paıdalanýǵa berýge baılanysty emes ǵımarattar men qurylystardy salýǵa, sharýashylyq jáne ózge de qyzmetti júrgizýge, tyıym salynǵan aımaq aýmaǵynda baqylaý, fotosýretke túsirýge, aýdıo-jáne beınejazbaǵa arnalǵan quraldardy, júıelerdi qoldanýǵa tyıym salynady.

«Qarastyrylyp otyrǵan qujatty daıyndaýǵa bastamashy bolǵan Parlament depýtattary jumys barysynda oq-dárilerdi saqtaý arsenaldary, bazalary men qoımalary janyndaǵy tyıym salynǵan aımaqtardy, aýdandardy belgileý máselelerinde birqatar kemshilikter men problemalar bar ekenine kóz jetkizdi. Ondaı olqylyqtar, ásirese, byltyr Arys qalasynda bolǵan tótenshe jaǵdaı kezinde anyq baıqaldy», – dedi Nurjan Nursıpatov.

Senator arsenaldarǵa, bazalar men qoımalarǵa irgeles jatqan aýmaqtardaǵy turǵyndardyń, ǵımarattar men qurylys jaılardyń qaýipsizdiginiń tolyq sheshilmegen máselelerine, oq-dárilerdi saqtaý qaýipsizdigin qamtamasyz etý sharalarynda memlekettik jáne jergilikti atqarýshy organdardyń qyzmetin úılestirýdiń tómen deńgeıine nazar aýdardy. Sonymen qatar, oq-dárilerdi saqtaý qoımalaryna jaqyn aımaqtarda ǵımarattar men qurylystardy zańsyz salý faktileri de bar ekeni aıtyldy.

Budan basqa, Palata depýtattary Eýrazııalyq ekonomıkalyq odaqtyń kedendik aýmaǵyna ákelingen taýarlardy qadaǵalap otyrý tetigi týraly kelisimdi ratıfıkasııalady. Qujat kedendik jáne salyqtyq tólemderdi tóleýden jaltarýdyń ártúrli kestelerin paıdalanýǵa jol bermeýge, Eýrazııalyq ekonomıkalyq odaqqa múshe bir memlekettiń aýmaǵynan ekinshi memlekettiń aýmaǵyna taýarlar aınalymynyń zańdylyǵyn rastaýǵa, sondaı-aq taýarlar aınalymyna baılanysty operasııalardy baqylaýdy qamtamasyz etýge baǵyttalǵan.

Sońǵy jańalyqtar

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Uqsas jańalyqtar