Aýdanda osy juqpaly aýrýǵa qarsy jedel shtab qurylyp, jumys isteýde. Ol aýdan aýmaǵynda koronavırýs indetine jol bermeý josparyna jáne kúdiktiler anyqtalǵan jaǵdaıda dereý habarlaý syzbasyna sáıkes jumys isteıdi. Aýdandyq aýrýhanada karantındik rejım engizilgen. Koronavırýs indetine kúdikti pasıentterge arnalǵan 4 oqshaýlaý orny emhananyń kúndizgi stasıonarynyń negizinde daıyndalǵan.
Aǵymdaǵy jyldyń 1-26 sáýirinde basqarmaǵa 2 oń COVID-19 taldaý nátıjeleri tústi. Eki jaǵdaı da Bozaıǵyr aýyldyq okrýginde tirkeldi. Bireýi 2018 jyly týǵan bala, Nur-Sultan qalasynda turady. Ekinshisi osy qaladaǵy «NNSOT», ıaǵnı, transplantologııa jáne onkologııa ınstıtýtynyń medısına qyzmetkeri bolyp jumys isteıtin 1990 jyly týǵan adam. Olardy gospıtalǵa tasymaldaý, aýrý oshaǵyn dezınfeksııalyq óńdeý, sanıtarlyq-epıdemıologııalyq tekserý jáne jaqyn adamdaryn anyqtaý jumysy júrgizildi. Teksere kelgende, bul indet baılanysta bolǵan adamdarǵa juqpaǵan. Medısına qyzmetkerleri men epıdemıologtardyń arasynda barlyq sharalar ýaqytyly ári kásibı túrde júrgizildi dep aıtýǵa bolady. 2018 jyly týǵan bala saýyqty. Ata-analary úshin munyń ózi úlken qýanysh. Degenmen, onymen birge bolǵan adamdar men týǵan-týysqandarynyń aýyrmaýy úshin kóptegen jumys isteldi.
