Ol Teńiz kenishinde jumys istep júrip, koronavırýs ınfeksııasyn juqtyryp alypty. Qazir emdelip jatyr. Osyǵan oraı Túrkııa Respýblıkasynyń Aqtaý qalasyndaǵy bas konsýly Muzaffer Aqıyldyrym №2 oblystyq aýrýhanasynyń dırektoryna alǵys hat joldapty.
– Atyraý oblysynyń Teńiz kenishinde jumys istegen Túrkııa Respýblıkasynyń azamaty Hadjy Chaǵlardyń №2 oblystyq aýrýhanada emdelýine kóńil bólgeni úshin ınfeksııalyq bólimniń dárigerlerine, medbıkelerine, barsha medısına salasynyń qyzmetkerlerine shyn kóńilden rızashylyq bildiremiz, - depti Túrkııanyń bas konsýly alǵys hatynda.
Sondaı-aq bas konsýl Densaýlyq saqtaý mınıstrligine de rızashylyǵyn bildirip otyr.
– COVID-19 indetimen kúreste Densaýlyq saqtaý mınıstrliginiń basshylyǵyna jáne Qazaqstan halqyna tabandylyq pen jetistikter tileımin, - deıdi Túrkııa Respýblıkasynyń Aqtaý qalasyndaǵy bas konsýly Muzaffer Aqıyldyrym.
