«Promyshlennyı turǵyn úı alabynda 20 jyldan beri turyp jatyrmyn. Aýdanymyzda jol jumystary júrýde. Kópten kútken jańalyqqa turǵyndar óte rıza. Jaǵdaı jaqsarady. Balalar oınaı alady. Endi olarǵa mektepke jetý ońaı, rezeńke etik alýdyń qajeti joq. Shuńqyrlardyń kesirinen kólikti jıi jóndemeıtin boldyq», – deıdi «Promyshlennyı» turǵyn alabynyń turǵyny Balǵabaı Ybraıymbekov (Balýan Sholaq kóshesi).
«Bizde alǵash ret jaryq pen jol jelisi tartyldy. Buryn shańdy jáne las bolatyn. Kósheler qarańǵy boldy. Al qazir óte tynysh, balalar kóshede oınaıdy. Bizde bári jaqsy», – dedi «О́ndiris» turǵyn úı alabynyń turǵyny Anar Mahmetova (Aqpan tuıyǵy kóshesi, 7). Jumys tıisti deńgeıde júrgizilýi tıis, sapasyz joldardy ákimdik qabyldamaıdy.
«Jumyspen qamtýdyń jol kartasy» baǵdarlamasy boıynsha bıyl 15 myń jumys orny, jol jumystary aıasynda 1,5 myń jańa jumys orny ashylady. Jumysqa ornalastyrý birinshi kezekte jumyspen qamtý ortalyqtary arqyly júredi.
Sonymen qatar, bıyl eki kópir qurylysy aıaqtalady. Kóshelerde 10 myń energııa únemdeıtin shamdar ornatylady – atalǵan shamdar elektr energııasyn 40%-ǵa únemdeıdi jáne ádettegi shamdarǵa qaraǵanda aıtarlyqtaı jaryq bolady. Sondaı-aq elordada aýlalardy, úı aýmaqtaryn jáne qoǵamdyq keńistikterdi abattandyrý belsendi júrgizilýde. Bıyl 150 aýla men 50 qoǵamdyq keńistik (saıabaqtar, skverler) abattandyrylady.
