Zańnamany jetildirý, atap aıtqanda, keshe Memleket basshysy qol qoıǵan «Qazaqstan Respýblıkasyndaǵy beıbit jınalystardy uıymdastyrý jáne ótkizý tártibi týraly» Zańnyń qabyldanýy eldiń qoǵamdyq-saıası ómirinde mańyzdy ról atqarady. Iаǵnı mıtıngterdiń jańa mádenıetin qalyptastyrýǵa yqpal etip, qoǵamdyq tártipke zııan keltirmeı qazaqstandyqtardyń azamattyq belsendiligin tanytýy úshin jaǵdaı jasaıdy.
Jańa Zań tujyrymdamalyq apparatty naqtylap, negizgi uǵymdardy retteıtinin atap ótken jón. Bul zańnyń durys túsindirilýine múmkindik beredi. Bir aıta keterligi, 1995 jylǵy «Qazaqstan Respýblıkasynda beıbit jınalystar, mıtıngiler, sherýler, pıketter men demonstrasııalar uıymdastyrý jáne ótkizý týraly» zańda tujyrymdamalyq apparat bolǵan joq.
Eger burynǵy zań beıbit jınalystardy uıymdastyrýdy jáne ótkizýdi aldyn ala ruqsat alý negizinde múmkin dep tanysa, Memleket basshysy qol qoıǵan jańa zań beıbit jınalystardy uıymdastyrýdyń jáne ótkizýdiń habarlamalyq jáne ótinish berý júıesin qarastyrady. Sońǵy jańartýlarǵa sáıkes, pıketter, jınalystar, mıtıngterdi uıymdastyrý jáne ótkizýde habarlamalar júıesi, al demonstrasııalar, sherýler uıymdastyrylǵan jaǵdaıda ótinish berý júıesi engizildi.
Prezıdent qol qoıǵan zańda beıbit jınalystardy uıymdastyrýshy men qatysýshynyń quqyqtary men mindetteri tolyqqandy qarastyrylǵan. Uıymdastyrýshy nemese uıymdastyrýshynyń ókili bolmaǵan jaǵdaıda beıbit jınalystar ótkizýge jol berilmeıdi.
Jalpy alǵanda, zańnyń qabyldanýy Ulttyq qoǵamdyq senim keńesinde kóterilip jáne el Prezıdentiniń qoldaýymen júzege asyrylǵan saıası reformalar paketindegi mańyzdy taraýlardyń biri boldy.
Janna KARIMOVA,
Prezıdent janyndaǵy QSZI-diń Áleýmettik-ekonomıkalyq zertteýler bóliminiń basshysy
