Júıege jańa serpin beredi - Tóleýtaı Raqymbekov

2016 jyldyń naýryzynda elimizde Parlament Máji­lisiniń jáne máslıhat depýt­tarynyń saılaýy ótti. Res­pýblıka Konstı­tý­sııa­synda de­pýtattardyń ókilettigi 5 jyl dep kórse­til­gen.

Son­dyq­tan kelesi kezek­ti saılaý 2021 jyldyń naý­ryz aıynan keshiktirilmeı ótýi tıis. De­mek, saıası partııa­lar­dyń endigi saılaýyna 10 aıdaı ýaqyt qaldy. Kelesi más­lıhat depýtattaryn saılaý erekshe bolmaq. О́ıtkeni depý­tattar partııa usynǵan tizim boıynsha saılanady.

Osy­ǵan oraı aýdandarda, oblys­tarda, qalalarda saılaý ótkizýdiń mańyzy arta túsedi dep oı­laımyn. Buǵan qosa, partııa tizimin usynǵan kezde onda­ǵy áıelder men 29 jasqa tolma­ǵan jastardyń úlesi 30 paıyz­dan kem bolmaýy tıis. Bul áıelder men jastarǵa úlken jol ashpaq.

Dál osy zań jobalaryn Par­­lament qabyrǵasynda tal­qylaý barysynda partııalyq tizimge enetin áıelder men jastardyń úlesi 50 paıyzdan asýy kerek degen taqyrypqa qatysty da qyzý pikirtalas boldy. Zańda áıelder men jastardyń úlesi 30 paıyzdan shektelsin delinbegen. Bul – eń tómengi kórsetkish.

Olardyń úlesi 34, 45, 55 pa­ıyzdan joǵary bolsa da shekteý qoıylmaıdy. Me­niń­she, aldymyzdaǵy saılaý óte qyzyqty ótedi. Onyń ishin­­de máslıhat depýtattarynyń par­tııa­lyq tizimmen saı­lanýy saılaýǵa jańa serpin beredi.

Tóleýtaı RAQYMBEKOV,

Ulttyq agrarlyq ǵylymı bilim berý ortalyǵynyń basqarma tóraǵasy