Joba 6 ýchaskege bólingen. Joldyń 833-853, 853-893 shaqyrymdary aralyǵynda qozǵalys bıyl ashylady. Búginge deıin ondaǵy jumystardyń 50% aıaqtalǵan. 12 kópir jáne 22 sý ótkizý qubyry salyndy. Joldyń 648-693 shaqyrymynda burma joldy qurylys jumystaryna daıyndaý, jol-qurylys materıaldaryn jınaý, sondaı-aq jer qazý jumystary júrgizilip jatyr.
Budan bólek, jańartý jumystary sheńberinde jolda qıyrshyq tasty-mastıkalyq asfalt-betonnan jasalǵan jol jabyndysy jańartylyp, 2 jol ótpesi, 20 kópir, 36 avtobýs aıaldamasy jáne 80 sý ótkizý qubyry salynady. Sondaı-aq 14 demalys alańyn salý josparlanǵan.
Jańartý jumystarynan ótken soń III sanattaǵy tasjol II tehnıkalyq sanatqa sáıkestendiriledi. Joba aıasyndaǵy jumystarǵa 740 adam men 560 tehnıka jumyldyrylady.
Eske salaıyq, Atyraý oblysyndaǵy respýblıkalyq mańyzy bar joldardyń jalpy uzaqtyǵy 1120 shaqyrym. Olardyń 98,6% - jaqsy jáne qanaǵattandyrarlyq jaǵdaıda.
