Bilim • 26 Mamyr, 2020

Kúlásh Shámshıdınova Iýgra túlekterin quttyqtady

23 ret kórsetildi

«Nazarbaev Zııatkerlik mektepteri» derbes bilim berý uıymy basqarma tóraıymy Kýlásh Shámshıdınova tikeleı efırde Hanty-Mansıısk derbes okrýgi túlekterin quttyqtady.

Iýgranyń  qalalary men aýyldarynyń on myńnan astam túlegi ózderiniń sońǵy sabaǵynda beınekonferensııa arqyly kezdesti, keıin barlyq reseı mektepterindegideı onlaın formattaǵy sońǵy qońyraý soǵyldy.

Hanty-Mansıısk derbes okrýginiń gýbernatory Natalıa Komarova búgingi túlekter Reseıdiń eń tabysty aımaqtarynyń biri bolyp sanalatyn Iýgranyń damýyna óz úlesterin qosatynyna senim bildirdi. Birneshe kún buryn bul meken jurtshylyǵy 12 mıllıard tonna munaı óndirilgenine qýanǵan bolatyn.

Reseı Federasııasynyń Memlekettik Dýmasy bilim jáne ǵylym jónindegi komıteti tóraǵasynyń orynbasary Lıýbov Dýhanına, «Nazarbaev Zııatkerlik mektepteri» derbes bilim berý uıymy basqarma tóraıymy Kúlásh Shámshıdınova, ata-analar atynan Valentına Syrova jáne orys tili men ádebıeti pániniń muǵalimi, «Pedagogıkalyq debıýt» aımaqtyq baıqaýynyń júldegeri Alena Chebekına balalarǵa sáttilik pen tabys tiledi.

– Bilim – adamnyń kásibı damýyndaǵy alǵashqy jáne mindetti qadam, – dep atap ótti Kúlásh Noǵataıqyzy túlekterge arnaǵan joldaýynda: – О́z mıssııańyzdy oryndaý, sizdi qyzyqtyratyn kez kelgen salada jetistikke jetý úshin únemi óz-ózińizdi jetildirip otyrýyńyz qajet.

Aımaq gýbernatory Natalıa Komarova Iýgra bilim berý uıymdarynyń qazaqstandyq áriptestermen yntymaqtastyǵyn joǵary baǵalady:

– Siz bilim berýdiń jańa damýyndaǵy bizdiń jol kórsetýshi jáne jaqyn dostarymyzsyzdar.

Búginde Nazarbaev Zııatkerlik mektepteri tájirıbe taratý aıasynda Hanty-Mansıısk okrýgi bilim berý mekemelerimen yntymaqtastyq jasaıdy.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar