Koronavırýstyń negizgi kólemi, ıaǵnı 89 paıyzy Oral qalasynda bolǵanymen, 7 aýdanda indet oshaǵy tirkeldi. Aqjaıyq aýdanynda – 5, Bórli aýdanynda – 7, Jánibekte – 2, Báıterekte – 8, Syrym aýdanynda – 4, Tasqalada – 16, Terektide – 7 adam aýyrǵan. Oral qalasynda - 408 jaǵdaı tirkeldi.
- Ras, sońǵy úsh kúnde indet juqtyrǵandardyń sany kúrt ósip ketti. О́ıtkeni biz qarym-qatynasta bolǵan adamdardyń bárin belsendi tekserip jatyrmyz. Aýrý juqtyrǵandardyń 57%-y, ıaǵnı 265 adam – syrttan kelgen. 182 oqıǵa Reseı Federasııasynyń Samara men Saratov baǵytyndaǵy shekaradan ótýshilerden tirkeldi. Sondaı-aq sońǵy kezde Atyraý oblysyndaǵy Teńiz kesheninde qyzmet etetin bizdiń óńirdiń turǵyndary elge qaıtty, olardyń ishinde 70 adam aýrý bolyp shyqty. Aýrýy ashyq baıqalmaǵan keı jumysshylar óz úıine jiberilgen kezde karantındik rejımdi saqtamaı, otbasy múshelerine juqtyrǵany anyqtaldy. Mine, osyndaı 4 adamnan 17 adamǵa koronavırýs juqty, - deıdi Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysy Muhamǵalı Aryspaev.
Budan buryn habarlaǵanymyzdaı, 25 mamyr kúni óńirdegi karantın rejimi 15 maýsymǵa deıin uzartyldy.
- Biz maýsymnyń 20-synan bastap keıbir nysandardyń jumysyn jandandyrý úshin karantın rejimin jeńildetken bolatynbyz. Mysaly, Oral qalasyndaǵy saıabaqtar, avtobýs baǵyttaryn ashyldy, keıbir jumys nysandary, advokattyq keńseler, ekinshi deńgeıdegi bankter keıbir shekteýlermen jumysyna kiristi. Aýmaǵy 2 myń sharshy metrge deıingi saýda oryndary men bazarlar ashyldy. Ashyq alańdaǵy jazǵy kafeler ashyldy. Biraq qazir qoǵamdyq kólikterde, bazarlarda el-jurttyń qaýipsizdik sharasyn umytyp, betperde taqpaı, ara qashyqtyqty saqtamaı júrgenin baıqap otyrmyz. Eger bulaı bola berse, keıbir avtobýs marshrýttaryn, aýda oryndaryn qaıta jaýyp tastaıtynymyzdy olardyń basshylaryna eskerttik, - deıdi M.Aryspaev.
Kóp adam jınalatyn jıynnyń biri – aýyldaǵy janaza bolyp tur. Bas sanıtar dárigerdiń aıtýynsha, Shyńǵyrlaý jáne Syrym aýdanynda osyndaı oqıǵa tirkelgen.
- Syrym aýdanynda bir adam salaqtyǵynyń, jaýapsyzdyǵynyń kesirinen óz otbasyndaǵy eki adamǵa, bir aýrýhana qyzmetkerine vırýs juqtyrdy. Qazir búkil aýdan aýmaǵynda karantın rejimi jarııalandy. Shyńǵyrlaý aýdanyndaǵy oqıǵany da qazir bizdiń mamandar tekserip jatyr. Ol aýdanda indet juqtyrǵan bir adam tirkelgen. Sondyqtan, birdiń kesiri myńǵa tımesin desek, saqtyq sharalaryn saqtaıyq, kóp adam jınalatyn jerge barmaıyq. Jalpy, karantın kezindegi eń birinshi shart – araqashyqtyqty ustaý. Kópshilik jerge barmaı kerek. Aýyzasharǵa kóp jınaldy. Meniń suraıtynym, úlken jıyndarǵa barmańyz, ózińiz kóp adamdy jınap, shaqyrmańyz. О́zimizdi ózimiz saqtaıyq. Sonda ǵana qalypty ómirge tezirek oralamyz, - deıdi Muhamǵalı Aryspaev.
Batys Qazaqstan
