24 mamyrda avtoótkel arqyly RF pen QR shekarasynan ótken ýaqytta Jelezın aýdandyq aýrýhanasynyń jedel járdem brıgadasy ony oblystyq týberkýlezge qarsy balalar sanatorıiniń karantındik stasıonaryna jetkizgen.
PTR taldaýy bul azamattyń vırýsty juqtyrǵanyn kórsetti, pasıent oblystyq balalar aýrýhanasynyń juqpaly aýrýlar stasıonaryna jatqyzyldy.
Onymen baılanysta bolǵan adamdar anyqtalyp, koronavırýsqa tekserildi, nátıjesi — teris.
Vırýsty juqtyrǵan qalǵan 3 er adam — Ekibastuz qalasynyń 1992, 1971 jáne 1969 jylǵy turǵyndary. Barlyǵy koronavırýs buǵan deıin anyqtalǵan adamdarmen qarym-qatynasta bolǵan.
Epıdanamnezden belgili bolǵandaı, pasıentterde dene qyzýy kóterilgen, jótel, álsizdik belgileri bolǵan, alaıda ózdiginen em alyp, medısınalyq kómekke júginbegen. Densaýlyqtary nasharlaı túsken soń Ekibastuz qalalyq aýrýhanasyna qaralyp, ol jerde koronavırýsqa analız alynyp, vırýs anyqtalǵan soń Ekibastuz qalasy aýrýhanasynyń juqpaly aýrýlar stasıonaryna jiberildi.
Sondaı-aq, osy azamattardyń qataryndaǵy 51 jastaǵy er adamnyń uzaq jyldar boıy sozylmaly bronhıtpen aýyrǵany anyqtaldy. Anamnezde — júrektiń sozylmaly aýrýy, stenokardııa, ınsýlınge táýeldi qant dıabeti. Pasıent Ekibastuz qalasynyń medısınalyq ortalyǵyna júgingen, ol jerde COVID-19 ǵa tekserildi, osylaısha vırýsty juqtyrǵany anyqtaldy.
Bul azamattardyń turǵylyqty jeri jáne jumys orny boıynsha baılanysta bolýy múmkin adamdar toby anyqtaldy. Aýrý oshaqtarynda zararsyzdandyrý jumystary júrgizildi. Epıdemııaǵa qarsy sharalar qolǵa alynǵan.
26 mamyrdaǵy jaǵdaı boıynsha Pavlodar oblysynda koronavırýs ınfeksııasyn juqtyrǵan 191 adam tirkelgen, olardyń ishinde 148-i jazylyp shyqqan.
