Baqyt Beshimbekulynyń esimi jankúıerlrge jaqsy tanys. 41 jastaǵy azamat kezinde elimizdiń eń beldi ziltemirshileriniń biri bolyp, túrli dúbirli dodalarda tabysty óne kórsetti. Atap aıtsaq, 2002 jyly Pýsanda alaýy tutanǵan Azııa oıyndarynda altyn tuǵyrǵa kóterilse, 2006 jyly Dohada qola medaldi moınyna ildi.
2004 jyly qurlyq chempıony atansa, 2007 jyly sol jarysta úshinshi satyǵa taban tiredi. Úsh birdeı Olımpııa oıyndary men birneshe ret álem chempıonattaryna qatysty. 2008 jyly Beıjiń Olımpıadasynyń ashylý saltanatynda Qazaq eliniń kók baıraǵyn ustap shyqty.
Úlken sporttan qol úzgennen keıin Baqyt Ahmetov Qazaqstannyń jastar quramasy jáne respýblıkalyq Olımpıadalyq daıarlaý ortalyǵynyń aǵa jattyqtyrýshysy qyzmetterin atqardy. Osy oraıda onyń shákirtteri álemdik jáne qurlyqtyq dodalarda orasan zor tabystarǵa qol jetkizgenin aıta ketý abzal.
