Úsh táýlikke sozylǵan shırek fınaldyq saıystardyń nátıjesi boıynsha álem chempıony, norvegııalyq Magnýs Karlsen amerıkalyq Ýeslı Soǵa san soqtyrdy. Esep – 2,5:0,5. Endi ol AQSh-tyń taǵy bir ókili Hıkara Nakamýramen kezdesedi. Al Nakamýra óz kezeginde armenııalyq Levon Aroıannan aılasyn asyrǵan edi – 3:1.
Al Reseıdiń qos myqtysy – Sergeı Karıakın men Danııl Dýbov jáne Qytaıdyń qos qyrany – Dın Lıjen men Iýı Iаnı arasyndaǵy básekelerde ázirge teń esep saqtalýda. Osy shahmatyshlar arasynan kimniń asyǵy alshysynan túsetini búgin belgili bolady.
