Onyń jumysyna QR-daǵy Adam quqyqtary jónindegi ýákil Elvıra Ázimova, BUU Bas hatshysynyń kómekshisi jáne «BUU-Áıelder» qurylymynyń oryndaýshy dırektorynyń orynbasary Osa Regner, Eýropa jáne Ortalyq Azııa elderindegi «BUU-Áıelder» qurylymynyń óńirlik dırektory Alııa El-Iаsır, Armenııa, Ázirbaıjan, Ýkraına, Belorýssııa, Qyrǵyzstan, О́zbekstan jáne t.b. elderdiń áıelder máseleleri jáne genderlik teńdik máseleleri jónindegi ulttyq qurylymdardyń basshylary qatysty.
Vırtýaldy dıalogtyń maqsaty – COVID-19-ǵa qarsy qysqa merzimdi jáne uzaq merzimdi den qoıýdyń genderlik-baılanysty sharalary úshin qıyndyqtar men basymdyqtardy talqylaý.
О́z sózinde Lazzat Ramazanova Prezıdenttiń «Memleket bul qıyn ýaqytta eshkimdi qaldyrmaıdy» atty bas messedjine nazar aýdardy. Memleket basshysynyń tapsyrmasy boıynsha memlekettik komıssııa qurylyp, koronavırýstyq ınfeksııanyń taralýynyń aldyn alý boıynsha is-sharalar jospary bekitildi. Qazaqstan barlyq qajetti qoldaý sharalaryn qabyldaýda. Koronavırýsqa qarsy kúreske jáne daǵdarysqa qarsy sharalardy iske asyrýǵa 6 trıllıon teńge nemese 13 mlrd dollar bólindi. 5 mln qazaqstandyqtar, onyń ishinde epıdemııaǵa qarsy is-sharalarǵa jumyldyrylǵan dárigerler men tabysynan aıyrylǵan azamattar memleketten qarjylaı jáne azyq-túliktik kómek aldy.
Lazzat Ramazanova áıelder pandemııamen kúreste aldyńǵy qatarda ekenin atap ótti. Bul, eń aldymen, qıyn jaǵdaıda qajyrly eńbek etip jatqan medısına jáne áleýmettik qyzmetkerler men muǵalimder. Qazaqstanda densaýlyq saqtaý, bilim berý jáne halyqty áleýmettik qorǵaý salasyndaǵy áıelderdiń úlesi 73% - dan asady.
«Qazaqstan COVID-19 pandemııasy sebebinen týyndaǵan jaǵdaıdy jaqsartýǵa arnalǵan genderlik teńdikti qamtamasyz etý jónindegi jol kartasyn ázirleý qajettiligi týraly BUU-Áıelder bastamasyn qoldaıdy», – dedi Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymy Lazzat Ramazanova.
Vırtýaldy dıalog qorytyndysy boıynsha qatysýshylar arasynda pandemııany taratýǵa qarsy sharalar sheńberinde áıelderdiń quqyqtary men múmkindikterin keńeıtý úshin mindettemelerdi odan ári ilgeriletý men oryndaý úshin qajetti is-áreketterge qatysty jalpy túsinikke qol jetkizildi.
