Atap aıtqanda, Jaratylystaný fakýltetiniń bilim alýshylary joǵary oqý oryndary stýdentteri arasynda «Hımııa» mamandyǵy boıynsha uıymdastyrylǵan XII respýblıkalyq pándik olımpıadasynda ekinshi orynǵa ıe boldy.
Saıys barysynda «Hımııa» mamandyǵynyń stýdentteri Aıbaný О́tegenova men Nazym Eralıeva bilimi men biligin pash etip, barlyq synaqtan joǵary nátıje kórsetti.
Jastardyń shyǵarmashylyq oılaý qabiletin qalyptastyrý jáne hımııa salasyndaǵy stýdentterdiń ǵylymı-zertteý qyzmetin yntalandyrý maqsatyndaǵy bıylǵy bilim jarysy Qorqyt ata atyndaǵy Qyzylorda memlekettik ýnıversıtetiniń uıymdastyrýymen ótti. Onlaın formatta júrgizilgen saıysqa elimizdegi 10-nan astam joǵary oqý ornynyń stýdentteri qatysyp, baqtary men baptaryn synady.
Sonymen qatar Qyzdar ýnıversıtetiniń stýdentteri «Mektepke deıingi oqytý jáne tárbıeleý» bilim berý baǵdarlamasy boıynsha ótken respýblıkalyq pándik olımpıadada ekinshi oryn aldy.
Qorqyt ata atyndaǵy Qyzylorda memlekettik ýnıversıtetinde uıymdastyrylǵan dástúrli bilim saıysy onlaın formatta ótti. Bolashaq pedagogtardyń bilimi men biligi sarapqa salynǵan jarystyń maqsaty – stýdentterdi oqý-tanymdyq jáne oqý-zertteý jumystaryna yntalandyrý, olardyń kásibı-tulǵalyq áleýetin qalyptastyrý jáne daryndy jastardy anyqtaý.
Olımpıadaǵa elimizdegi joǵary oqý oryndarynyń stýdentteri qatysyp, birneshe kezeń boıynsha tapsyrmalar oryndady.
Jeńimpaz bilim alýshylar men olardyń jetekshileri «Alǵys hattarmen» marapattaldy.
