Berik Qamalıev óńirdegi qaıta jańartylý ústindegi jol ýchaskelerinde bolyp qaıtty. Munda sondaı-aq, ««QazAvtoJol» UK» AQ Qaraǵandy oblysy boıynsha fılıalynyń, merdiger uıymdardyń ókilderi qatysqan keńes ótkizildi.
Vıse-mınıstr jobalar boıynsha jol ýchaskelerinde asfalt jabyndysyn tóseý jumystaryn bastaý merzimin naqtylap, joldarda qozǵalysty bıyl ashýdy júktedi.
Aıta ketý kerek, uzyndyǵy 363 shaqyrymdy quraıtyn «Qaraǵandy – Balqash» joly kólik basqarýshylarǵa Kýrmınka, Aqshataý, Aqsý-Aıýly eldi mekenderi men Balqash qalasyn aınalyp ótýge múmkindik beredi. Qurylys jumystaryn CITIC Cinstruction Co.Ltd» jáne «KazGerStroı» kompanııalary júrgizip jatyr. Jumystardyń sapasyn «Jol-Joba KZ», «ArsNabıK» jáne «StroıServısGarant» kompanııalary baqylaýda.
Jobaǵa sáıkes avtomobıl joly rekonstrýksııadan ótken soń, kólik qozǵalysyna arnalǵan 4 jolaǵy bar I tehnıkalyq sanattaǵy jolǵa sáıkestendiriletin bolady. Joldyń tómengi qabatymen kólik basqarýshylar bıyldyń ózinde júre alady dep josparlanǵan. Tasjoldy qaıta jańartý jumystary 2022 jyly tolyqtaı aıaqtalady dep kútilýde. «Temirtaý – Qaraǵandy» jáne «Qaraǵandy qalasynyń soltústik-shyǵys burma joly» jobalary bıyl aıaqtalmaq.
