Beket kelesi jyldyń ózinde táýligine 2500 kólik pen 23 myń adamdy ótkize alady.
Joba uzyndyǵy 137 metrlik 8 jolaqty qozǵalys bóligin, ótkizý termınaldaryn, baqylaý-ótkizý pýnktin, shekara qyzmetiniń ǵımaraty men ótkizý beketiniń basqa da nysandaryn qaıta jańartýdy qarastyrady. Budan bólek, bıyl mamandar tekserý sharalaryn jyldam júzege asyrýǵa arnalǵan jańa ınspeksııalyq tekserý kesheniniń qurylys jumystaryn oryndaıdy. Búgingi tańda qurylys jumystaryna qajetti tehnıkanyń barlyǵy jumyldyrylyp, qurylys materıaldary jetkizilgen. Qaıta jańartý jumystaryna 127 adam men 15 tehnıka tartyldy. О́tkizý beketin rekonstrýksııalaý aýdany 3,5 ga.
Jobanyń bas merdigeri – «Dorstroı» JShS. Tehnıkalyq baqylaýdy «Almaty Sapa Injınırıng» JShS júzege asyrady. Joba avtory – «Sıntez» JShS.
Jol-qurylys maýsymy qyzǵan shaqta «Qordaı» ótkizý beketi tek jaıaý júrginshiler úshin saǵat 6:00-dan 24:00-ke deıin jumys isteıdi. Avtokólikter kórshiles «Qarasý», «Sortóbe» jáne «Aýqatty» beketteri arqyly ótkizilip jatyr. Atalmysh ótkizý beketterine kirý joldary jaqsy jaǵdaıda. Bekettegi jóndeý jumystaryn osy jyldyń sońyna deıin aıaqtaý josparlanyp otyr.
