Uly aqyn murasyn keńinen nasıhattaý jáne óskeleń urpaqtyń qazaq ádebıetine degen qyzyǵýshylyǵyn arttyrýdy maqsat etken sharada «El Prezıdenti Q.Toqaev Abaıdyń 175 jyldyǵyn mándi jáne joǵary deńgeıde ótkizýdi talap etti. Karantınge baılanysty saıysty qashyqtan ótkizýge týra keldi. Qatysýshylar óz nomerin vıdeoǵa túsirip, bizdiń elektrondy poshtamyzǵa joldady», - dep atap ótti REjBÁII áskerı qyzmetshilerdiń otbasy múshelerimen jumys qyzmetiniń ókili Aqbota Mustabekova.
REjBÁII baspasóz qyzmetiniń habarlaýynsha, 30-dan astam bala óner kórsetip, olar Abaı shyǵarmalaryn mánerlep jatqa oqýda ózara baq synasty. Qatysýshylardyń ónerin qazylar alqasy ádil baǵalady. Basty nazar qatysýshynyń jyrdy mánerlep oqýyna, ártistik qabiletine jáne ereksheligine basa mán berildi. Jas erekshelikterine baılanysty qatysýshylar 3 topqa bólinip, úzdikteri irikteldi.
3-7 jas aralyǵynda I oryn – Kóptileý Danıel; II oryn – Áripjan Aısýlý; III mesto – Janǵalıev Dıas. 8-10 jas aralyǵynda I mesto – Nurjan Nurasyl; II oryn – Berikbaeva Nuraı; III oryn – Ǵalymjanqyzy Aılýn.11-14 jas aralyǵynda I oryn – Aıýpuly Ibrahım; IIoryn – Beıbit Aıgúlim; III oryn – Tynyshtyqbaeva Danıelıa.
Jeńimpazdarǵa baǵaly syılyqtar, Abaı Qunanbaevtyń óleńder jınaǵy men áskerı ınstıtýt basshylyǵy atynan madaqtama qaǵazymen marapattaldy. Saıysqa qatysyp, óner kórsetkendegi ynta-jigeri úshin barlyq qatysýshyǵa alǵys hat tabystaldy.
