Qazaqstan Respýblıkasy Kásipodaqtar federasııasynyń tóraǵasy Satybaldy Dáýletalın elimizdegi óndiris prosesterine jańa tehnologııalardyń engizilýine baılanysty jumys oryndary qysqarýy múmkin. Osy oraıda, «Jańa kásipter atlasy» jobasynyń mańyzy zor dep atap ótti.
Qazirgi tańda munaı baǵasynyń quldyraýy jáne koronavırýs pandemııasy kesirinen týyndaǵan ekonomıkalyq qıyndyqtar etek alýda. Halyqaralyq eńbek uıymynyń (HEU) zertteýlerine qaraǵanda, COVID-19 týyndaǵan ekonomıka men eńbek naryǵyndaǵy daǵdarys álem boıynsha shamamen 25 mıllıon adamnyń jumyssyz qalýyna alyp kelýi múmkin delinýde.
«Jańa kásipter atlasy» jobasynyń damýy týraly baıandaǵan Saıasat Nurbek myrza, QRKF - Qazaqstandaǵy eńbek naryǵyna qatysy bar eń iri qoǵamdyq uıym, sol sebepti joba bastamashylary ekonomıkanyń negizgi toǵyz salasyna júrgizip, bolashaqta Qazaqstannyń eńbek naryǵynda suranysqa ıe jańa mamandyqtardy boljady. Osy oraıda, Qazaqstan Respýblıkasy Kásipodaqtar Federasııasynyń bastaýysh jáne salalyq kásipodaq birlestikteri jan-jaqty zertteý júrgizýge qoldaý bildirip, eńbek naryǵyndaǵy mamandyqtarǵa degen naqty suranysty kórsetip beredi dedi.
Sóz sońynda, QRKF tóraǵasy Satybaldy Dáýletalın kásipodaqtardyń bundaı jobadan tys qala almaıtynyn atap ótip: «Bul joba áleýmettik áriptesterge ýaqyt ótken saıyn syrtqy jáne ishki áleýmettik-ekonomıkalyq faktorlardy eskere otyryp, eńbek naryǵy qalaı ózgeretinin jáne jańa mamandyqtarǵa jumysshylardy qaıta daıarlaý úshin qajetti bazany qalaı qurýǵa bolatyndyǵyn boljaýǵa kómektesedi. Jumys oryndaryn saqtaý jáne jańalaryn qurý kásipodaqtar jumysyndaǵy mańyzdy basymdyq bolyp tabylady» dedi.
Kezdesýden keıin Qazaqstan Respýblıkasy Kásipodaqtar federasııasynyń tóraǵasy barlyq enshiles kásipodaq uıymdary «Jańa kásipterdiń atlasy» jobasyn zertteýdi júzege asyrýǵa qosylatynyn atap ótti.
