Túlekterimizdiń joǵary nátıjege qol jetkizip, úzdikter sapynan kórinýinde ýaqytpen sanaspaı qyzmet jasaǵan mektep basshylary men ustazdarymyzdyń eńbegi aıryqsha. Ustazdarymyz osy jolda qanshama ter tókti. Sondyqtan, men osy kezdesýdi paıdalana otyryp barsha ustazdar qaýymyna alǵysymdy bildiremin. Bizdiń jáne ustazdar men ata-analardyń armany – ul-qyzdarymyzdyń azamat atanyp, táýelsiz Qazaqstanǵa abyroıly eńbek etkenin kórý. Al, jas túlekterdiń armany – qalaǵan joǵary oqý oryndaryna túsip, mektepten alǵan bilimderin jalǵastyrý. Sizderdiń armandaryńyzdyń oryndalýy úshin birinshi kezekte bilim jolynda tynymsyz talpynys, úzdiksiz izdenis qajet dep esepteımin. Bul – bizdiń búgingideı jańalyǵy jelmen jarysqan zamannyń basty talaby. Osyny esten shyǵarmaǵaısyzdar. Qoldaryńyzǵa tıgen attestattaryńyz qutty bolsyn. Aldaǵy synaqta jaqsy nátıjege qol jetkizińizder – dedi shahar basshysy.
Onlaın kezdesýde №3 mektep-gımnazııasynyń «Altyn belgi» ıegeri Anel Muhanbet qala basshysyna alǵys aıtyp, qatarlastaryna tilegin jetkizdi.
Búgin qala boıynsha jalpy bilim beretin 50 mekteptiń 11 synybyn 1881 oqýshy bitirip otyr. Olardyń 1716-sy Ulttyq Biryńǵaı testileýge qatysady.
