Elimizdiń mártebesin aıqyndaıtyn basty qundylyqtarymyz Memlekettik rámizder kúni merekesinde sizderdiń qýanyshtaryńyzdy bóliskeli turmyz. Sońǵy 3 jylda «Nurly jer» turǵyn úı qurylysy memlekettik baǵdarlamasy aıasynda oblys boıynsha turǵyn úılerdiń qurylysyna 45,4 mlrd teńge bólindi. Nátıjesinde 398 myń sharshy metrdi quraıtyn 141 kópqabatty turǵyn úı paıdalanýǵa berildi. Demek, sońǵy 3 jylda 5 myńǵa jýyq otbasy jańa páterge ıe boldy. 20 myńnan astam turǵyn baspanamen qamtamasyz etildi. Bıyldyń ózinde óńirimizde 1 186 páterdi quraıtyn 81 turǵyn úıdiń qurylysy júrgizilýde. Búgin mine, sol jaǵalaýda jańa turǵyn úıdi paıdalanýǵa beremiz. Qonystaryńyz qutty bolsyn!, - dedi óńir basshysy.
Oblys ákimi qonys toıyn toılap jatqan О́tepovter áýletiniń shańyraǵynda boldy. «Altyn alqa» ıegeri Almagúl О́tepova Gúlshara Ábdiqalyqovaǵa turǵyndar atynan alǵys bildirdi.
Shara sońynda Qyzylorda qalasynyń qurmetti azamaty, eńbek ardageri Jarylqasyn Sháripov jıylǵan jurtqa bata berdi.
Sońǵy 3 jylda paıdalanýǵa berilgen 141 kópqabatty turǵyn úıdiń jańa qaladaǵy úlesi 620 páterlik 13 kópqabatty arendalyq baspana. Sondaı-aq, nesıe baǵdarlamasy boıynsha 240 páteri bar 4 kópqabatty turǵyn úı tapsyrylǵan. Al, jeke qurylys kompanııalarynyń esebinen 604 páterli 14 kópqabatty turǵyn úı el ıgiligine paıdalanýǵa berildi.
Jyl sońyna deıin 680 páterlik arendalyq 14 kópqabatty úıdiń jáne nesıe baǵdarlamasy boıynsha 590 páteri bar 13 turǵyn úıdiń qurylysy aıaqtalady dep josparlanyp otyr. Jeke ınvestorlar qarajatyna 86 páterlik 2 kópqabatty turǵyn úıdiń qurylysy júrgizilýde.
