«Biz GFR tarıhyndaǵy eń aýyr ekonomıkalyq jaǵdaıdy bastan ótkerýdemiz. Muny túsiný kerek» dedi Merkel
Onyń sózinshe, pandemııa saldarynan Germanııanyń 7 mıllıonǵa jýyq turǵyny tolyq emes jumys kúnine kóshirilgen. Daǵdarystan shyǵý úshin barlyq kúsh-jigerdi jumyldyrý qajet bolýda.
«Bul pandemııa qanshaǵa sozylady, biz ony bilmeımiz. Jańa vaksına qashan ázir bolatynyn da tap basyp aıta almaımyz. Bolashaqqa úńiletin kóripkeldigimiz de joq. Biraq aýyrtpalyqty eńserýde durys joldamyz dep oılaımyn» dedi Merkel.
Kansler ulttyq ekonomıkany yntalantyrýdyń sharalar kesheni qabyldanǵandyǵyn eske slyp ótken. Oǵan 130 mıllıard eýro qarastyrylǵan. Sońǵy derekter boıynsha, Germanııada koronavırýsqa shaldyqqandar sany 184 myń adamǵa jetken, 8635 adam qaıtys bolǵan.
