«2014 jyldan bastap Qazaqstan Halyqaralyq áýe kóligi qaýymdastyǵy (IATA) taǵaıyndaǵan Nur-Sultan áýejaıynyń úsh áriptik kodyn ózgertý boıynsha belsendi jumys júrgizdi.
Búkil álem boıynsha áýejaılarǵa bir ret jáne turaqty negizde kod berý jónindegi IATA qaǵıdalaryna qaramastan, qazaqstandyq tarap bul baǵytta oń nátıjelerge qol jetkizdi.
IATA ókilderimen birlesip áýejaılardyń kodtaryn taǵaıyndaý jáne ózgertý boıynsha IATA tásilderine ózgeris engizý týraly sheshim qabyldandy.
Bul ózgerister 2019 jyldyń 14 qazanynda Varshava qalasynda (Polsha) IATA-nyń barlyq músheleriniń qatysýymen Jolaýshylar tasymaly standarttary (Passenger Standards Meeting) kezdesýinde qoldaý tapty.
Nátıjesinde, 2020 jyldyń 8 maýsymynan bastap Nursultan Nazarbaev Halyqaralyq áýejaıyna NQZ jańa kody berildi, ol barlyq brondaý júıelerinde, otyrǵyzý talondarynda, bagaj bırkalarynda jáne aqparattyq tabloda kórsetiletin bolady», - delingen habarlamada.
