Osy kúnge deıin oqyrmanǵa tańsyq bolǵan Pursuit As Happiness ("Radostı ohoty") shyǵarmasyn basylymnyń 2020 jylǵy 8 maýsymdaǵy sanynan oqýǵa bolady.
Oqıǵa jelisi boıynsha bas keıipker dostarymen birge alyp marlın balyǵyn ustaýǵa tyrysady. Tipti, keı tustaryn alǵash ret 1952 jyly basylyp shyqqan "Shal men teńizge" uqsatasyń. Áńgimeni qalamgerdiń nemeresi Shon Hemıngýeı "Shal men teńizdiń" jańa basylymyn daıyndaý ústinde tapqan. Avtordyń túzetýleri salynǵan mashınkalyq jazba Djon F. Kennedıdiń kitaphanasynan shyqty. Shonnyń paıymdaýynsha, atasy Hemıngýeı bul shyǵarmany 1936-1956 jyldary aralyǵynda jazǵan.
Taqyrypsyz qalǵan áńgimeniń ataýyn Hem aǵaıdyń uly Patrık qoıypty. Mundaı taqyryp "Afrıkanyń jasyl tóbeleri" kitabynyń 4-bóliminde de bar. Shon The New Yorker-ge bergen suhbatynda bul ataýdyń sátti qoıylǵanyn hám ol tek balyq aýlaý týraly ǵana emes, sol sáttegi túrli kóńil kúıdi de beretinin aıtty. Shyǵarma "Shal men teńizdiń" osy jylǵy kezekti jańa basylymyna enedi.
