"Azat Azamatov ishki ister organdarynda 2014 jyldyń 30 sáýirinen 2020 jyldyń 21 mamyryna deıin Patrýldik polısııa ınspektory bolyp jumys istegen. Jol apatynan 4 kún buryn ol óz erkimen qyzmetinen ketken. Jaýapkershiliginiń tómen bolýyna baılanysty qyzmet etken jyldary 4 ret tártiptik jazaǵa tartylyp, birde-bir ret yntalandyrý syıaqysyn almaǵan. Jol apaty kezinde ol mas bolǵan. Ony sot-narkologııalyq saraptama kórsetti. Saraptama qorytyndysyna sáıkes, ol ortasha dárejeli mas bolǵan. 25 mamyrdaǵy jol apatynan soń, jeke qurammen profılaktıkalyq jumys aqsap turǵandyǵy týraly qorytyndy shyǵaryldy. Odan bólek, BAQ-qa jańsaq aqparat berilgenine baılanysty syn aıtyldy", - dedi polısııanyń baspasóz qyzmeti.
Esterińizge sala keteıik, Almaty oblysynyń Qarasaı aýdanyna qarasty Kóksaı shaǵyn aýdanynyń aýmaǵynda kólik apaty bolyp, qapelimde eki tártip saqshysy til tartpaı ketti. Oqıǵa ornynda úshinshi qyzmetkerdiń jaraqat alǵany belgili bolǵan edi. Keshe úshinshi polıseıdiń esin jıǵany týraly aqparat shyqty.
