Qyzylorda oblysy aýmaǵynda 8-12 maýsym aralyǵynda Qazaqstan Respýblıkasy IIM-niń «Urlyqtarǵa qarsy is-qımyl jónindegi 2019-2020 jyldarǵa arnalǵan baǵdarlamasyn» iske asyrý baǵytyndaǵy is-sharalar josparyna sáıkes, mal urlyǵynyń aldyn alý úshin sondaı áreketke qatysy bar adamdardy anyqtaýǵa, olardy ustaýǵa jáne qylmystyq jaýapkershilikke tartýǵa baǵyttalǵan «Mal urysy» jedel-profılaktıkalyq is-sharasy ótkizilýde.
Mysaly, 8 maýsym kúni is-shara barysynda Aral aýdandyq polısııa bóliminiń qyzmetkerleri ótken jyly oryn alǵan mal urlyǵy qylmysynyń 1 deregin ashty. Atap aıtqanda, ótken jyldyń tamyz aıynda belgisiz bireý osy aýdan turǵynynyń quny 150 000 teńge turatyn jylqysyn jaıylymnan urlap ketken. Izdestirý jumystarynyń nátıjesinde qylmysty jasaǵan 42 jastaǵy azamat anyqtalyp, ol jasaǵan qylmysyn tolyǵymen moıyndady.
Aýmaqtyq aýyl sharýashylyǵy qurylymdarynan veterınarııalyq baqylaý ınspektorlary men veterınarııalyq dárigerlerdi tarta otyryp, tasymaldanatyn maldyń ıesin anyqtaý maqsatynda mal jáne et ónimderin tasymaldaıtyn avtokólikte tıisti qujattardyń bolýyna tekserý jumystary júrgizilýde.
Quqyq buzýshylardy QR ÁQBtK-niń 406-baby boıynsha ákimshilik jaýapkershilikke tarta otyryp, et ónimderi satylatyn saýda oryndarynda, bazarlarda, saýda ortalyqtarynda reıdtik is-sharalar uıymdastyrylýda.
