Aımaqtar • 09 Maýsym, 2020

Qyzylorda turǵyny aýlasyna 83 túp sora ekken

590 ret

kórsetildi

1 mın

oqý úshin

Qyzylorda oblysynda ótkizilip jatqan "Qarasora-2020" arnaıy jedel-profılaktıkalyq is-sharasy barysynda polısııa qyzmetkerleri Jańaqorǵan aýdany Tómenaryq aýlynda aýlasyna sora ekken 61 jastaǵy turǵyndy ustady, - dep habarlaıdy Egemen.kz.

Murat JETPISBAEV

Qyzylorda turǵyny aýlasyna 83 túp sora ekken

Jedel-tergeý toby qyzmetkerleri úı aýlasynda 83 túp sora ósip turǵanyn anyqtady. Ol zattaı dáleldeme retinde alynyp, tıisti saraptama taǵaıyndaldy.

Bul derek boıynsha Qazaqstan Respýblıkasy Qylmystyq kodeksiniń 300-babynyń 2-bóligimen sotqa deıingi tergep-tekserý amaldary jalǵasýda, al aýyl turǵyny Jańaqorǵan aýdandyq polısııa bóliminiń ýaqytsha ustaý abaqtysyna qamaqqa alyndy.

"Oblys kóleminde ótkizilip jatqan "Qarasora-2020" arnaıy jedel-profılaktıkalyq is-sharasy barysynda departamenttiń Esirtki qylmysyna qarsy is-qımyl basqarmasy qyzmetkerleri esirtkige qatysty 24 quqyq buzýshylyqty anyqtady", - deıdi Polısııa departamentiniń bastyǵy, polısııa polkovnıgi Bektóre Sultan.

Qyzylorda oblysy