Jalpy otyrystyń kún tártibinde Qazaqstan Respýblıkasy Úkimetiniń jáne Respýblıkalyq bıýdjettiń atqarylýyn baqylaý jónindegi esep komıtetiniń 2019 jylǵy respýblıkalyq bıýdjettiń atqarylýy týraly esepteri qaralyp jatyr.
"Kirister boıynsha jospar transfertterdi esepke almaǵanda 100,6%-ke oryndaldy, bıýdjetke 7,1 trln teńge tústi. 2019 jylǵy 1 qańtardan bastap elektrondyq túrdegi shot-faktýralardy mindetti túrde jazyp berý ishte óndiriletin taýarlarǵa salynatyn qosylǵan qun salyǵy boıynsha túsimderdiń 1,5 esege ósýin qamtamasyz etti. О́z kezeginde korporatıvtik tabys salyǵy boıynsha túsimder 17%-ǵa ósti. Salyqtyq jáne kedendik ákimshilendirýdi sıfrlandyrý boıynsha júrgizilgen jumys qashyqtyqtan baqylaýdyń tıimdiligin 36%-ke jáne salyqtyq tekserýlerdiń tıimdiligin 70%-ke arttyrýǵa múmkindik berdi. Bul rette salyqtyq tekserýler sany 30%-ke tómendedi", – dedi Erulan Jamaýbaev.
Onyń aıtýynsha, sondaı-aq Eýrazııalyq ekonomıkalyq odaqqa múshe memlekettermen memlekettik shekarada elge taýarlar ákelý monıtorıngi kúsheıdi. Qytaı Halyq Respýblıkasymen eki jaqty statıstıka boıynsha alshaqtyq 53%-dan 48%-ǵa deıin tómendedi. Jalpy alǵanda ákimshilendirý sharalaryn kúsheıtý esebinen 900 mlrd teńgeden asa túsimder qamtamasyz etildi.
