Aımaqtar • 11 Maýsym, 2020

Pavlodar oblysynyń 14 aýylynda ınternet múldem joq

140 ret kórsetildi

Bıyl óńirdegi 53 eldi meken mobıldi ınternetpen qamtylady, dep habarlaıdy pavlodarnews.kz tilshisi.


Bul týraly Pavlodar oblysy jolaýshylar kóligi jáne avtomobıl joldary basqarmasynyń avtomobıl tasymaly, kólik jáne baılanys bóliminiń basshysy Ermek Sársenbaev málim etti. 

Qazirgi ýaqytta oblystaǵy 358 aýyldyq eldi mekenniń barlyǵynda telefon ornatylǵan, - deıdi Ermek Sársenbaev. – Onyń 344-i ınternet jelisine qosyldy. 14 aýylda múldem ınternet joq. Ol aýyldardyń kóbinde adam sany 50-den az. Bul aýyldardy ınternetpen qamtý úshin basqarmamyz turaqty túrde «Qazaqtelekom» kompanııasyna jáne ózge de provaıderlerge usynys jasaýda. Alaıda, olar adam sany az bolǵandyqtan ol aýyldardy ınternetpen qamtý kommersııalyq jaǵynan tıimsiz dep sanaıdy.

Internetpen qamtylmaǵan 14 aýyl:

Baıanaýyl aýdanynda – Búrkitti, Qarashoqy, Muryntal, Belaǵash, Birjankól, Qoıtas, Aleksandrovka, Qyzylshilik, Aqmektep aýyldary; Jelezın aýdanynda – Ekishoq aýyly; Pavlodar aýdanynda – Zaozernoe, Maksımovka, Tolybaı aýyldary; Sharbaqty aýdanynda – Bozolan aýyly. Sondaı-aq Ermek Sársenbaevtyń aıtýynsha, 358 eldi mekenniń ishinde 28 aýylda uıaly baılanys joq. QR Sıfrlyq damý, ınnovasııalar jáne aeroǵarysh ónerkásibi mınıstrligi uıaly baılanys operatorlarymen («Kazahtelekom» AQ, «Kcell» AQ, «Mobaıl Telekom Servıs» JShS, «KarTel» JShS) 2020 jyly 250-den astam turǵyny bar aýyldardy uıaly baılanyspen qamtý josparyn bekitti.

"Bul kelisim aıasynda Pavlodar oblysynda 53 eldi meken uıaly baılanys jáne mobıldi ınternetpen qamtylady, - dedi bólim basshysy. – Onyń ishine uıaly baılanysy joq 14 aýyl kiredi. Qalǵan aýyldarda burynǵy uıaly baılanys júıesi jańǵyrtylady. Iаǵnı, keıbir aýyldarda 2G, 3G baılanysy bolǵan. Endi 53 aýylǵa 4G enedi. Kelesi kezeńde 50-den 250-ge deıin turǵyny bar aýyldarda 2020-2022 jyldary mobıldi ınternet tartylady. - Bul kezeńde 72 aýyl mobıldi ınternetpen qamtylady", - dedi Ermek Sársenbaev.

Onyń ishine múlde ınterneti joq 14 aýyldyń toǵyzy kiredi. Olar - Baıanaýylda Qyzylshilikten basqa 8 aýyl, Jelezındegi Ekishoq aýyly. Aıta keteıik, qalǵan múlde ınterneti joq 5 aýylǵa provaıderlermen spýtnıktik tehnologııa arqyly ınternet tartý máselesi qarastyrylýda.

Sońǵy jańalyqtar

Parlament depýtattary kanıkýlǵa ketti

Parlament • Búgin, 10:56

Beısenbige arnalǵan aýa raıy boljamy

Aýa raıy • Búgin, 09:55

Álemde COVID-19 juqtyrý deregi kúrt ósti

Koronavırýs • Búgin, 09:28

Asýdyń qarsylasy anyqtaldy

Sport • Búgin, 08:39

Qatarynan 18 ret jeńildi

Sport • Búgin, 08:37

Býblık pen Rybakına qaldy

Sport • Búgin, 08:35

Qııardan mol ónim alady

Aımaqtar • Búgin, 08:34

Sıfrlandyrýda oń ózgerister bar

Tehnologııa • Búgin, 08:30

AITV ınfeksııasyn anyqtady

Medısına • Búgin, 08:25

Jetesovter áýletiniń jeke konserti

О́ner • Búgin, 08:23

Bul tańdaýdyń máni tereńde

Qazaqstan • Búgin, 08:08

Birlik pen kelisimniń úlgisi

Qazaqstan • Búgin, 08:05

Qos jobany qaıta qaraý qajet

Qazaqstan • Búgin, 08:00

Uqsas jańalyqtar