Aqparat jáne qoǵamdyq damý mınıstrliginiń Facebook paraqshasynda jýrnalısterdiń beıbit jınalystarda qyzmet etý qaǵıdalary talqylandy. Onlaın-kezdesý barysynda BAQ basshylary beıbit jıynǵa qatysatyn jýrnalısterdiń quqyǵyn qorǵap, jumysyn júrgizýge qatysty birqatar usynysty ortaǵa saldy.
«Búgin shynymen de ashyq áńgime bolǵan sııaqty. Bul - talqylaýdyń basy ǵana. Sebebi qaǵıdalar áli bekitilgen joq. Eń bastysy – sizderdiń talqylaýdan keıin usynystaryńyzdy eskere otyryp, jobany taǵy da bir qaraımyz. Sodan keıin normatıvti-quqyqtyq aktilerdiń ashyq portalyna resmı túrde ornalastyramyz. О́z usynystaryńyzdy engizýge bolady», - dedi Aıda Balaeva BAQ basshylarymen onlaın-kezdesý barysynda.
Mınıstrdiń aıtýynsha, jýrnalısterge arnalǵan qaǵıdalardy jergilikti atqarýshy organdar men quqyq qorǵaý organdaryna túsindirý jumystary men arnaıy semınarlar júrgiziledi.
«Eger bir taraptan túsinispeýshilik bolǵan jaǵdaıda biz aıtyp otyrǵan qaǵıdattardyń bári de júzege asyrylmaı qalady-aý degen qaýip bar. Biz óte jaqsy erejelerdi jasaǵanymyzben ol sapaly túrde iske asyp jatpasa, álbette, bul qaǵıdattardyń bári de qaǵaz júzinde ǵana qalady», - dedi ol.
