Qujat normalaryna sáıkes, turǵyn úı baǵdarlamalarynyń qazirgi operatorlary "Qazaqstan ıpotekalyq kompanııasy" AQ, "Báıterek development" AQ, "Turǵyn úı qurylysyna kepildik berý qory» AQ, sondaı-aq "Damý" AQ arqyly qurylys salýshylardy sýbsıdııalaý quraly "Báıterek" UBH» AQ-nyń bazasynda qurylǵan Turǵyn úı qurylysynyń biryńǵaı operatoryna biriktiriledi.
Bul shara jalpy ákimshilik shyǵystardy keminde 40%-ǵa azaıtý esebinen bıýdjet qarajatyn únemdeýge múmkindik beredi. Shtat sany da ońtaılandyrylady, onyń ishinde basqarý býyny shamamen 3 esege qysqarady.
Bastapqy kezeńde Biryńǵaı operator mynadaı fýnksııalardy júzege asyrady:
1) qoljetimdi turǵyn úı qurylysyn, onyń ishinde ákimdikterdiń oblıgasııalaryn satyp alý tetikteri arqyly qarjylandyrý;
2) qurylysty aıaqtaýǵa kepildik berý arqyly halyqtyń úlestik salymdarynyń saqtalýyn
3) jeke qurylys salýshylardyń kommersııalyq kredıtteri boıynsha syıaqy mólsherlemesin
4) ákimdikter janyndaǵy ýákiletti uıymdarǵa, sondaı-aq memlekettik baǵdarlamalar sheńberinde turǵyn úı salýdy júzege asyratyn zańdy tulǵalarǵa kredıt berý;
5) ınvestısııalyq jobalardy qarjylandyrý jáne iske asyrý;
6) ákimdikterde kezekte turǵandar úshin satyp alý quqyǵymen jalǵa beriletin turǵyn úı berý;
7) ıpotekalyq qaryzdar berý jáne ýákiletti organnyń lısenzııasy negizinde ózge de qyzmetterdi usyný.
Atalǵan sharalar «Báıterek» holdınginiń memlekettik baǵdarlamalardy tıimdi iske asyrýyna jáne sıngapýrlyq Turǵyn úı qurylysy jáne damý keńesi (Housing and Development Board) úlgisine kóshýine múmkindik beredi.
