Kóksheniń omyraýyna taqqan seksen monshaq ispetti seksen kóliniń biri – myrzakólden baq qaıtqaly qashan. Jarty ǵasyrdan astam ýaqyt boıy káriz sýy quıylǵan soń mańaıyna jan jolap bolmaıtyn qorysqa aınalǵan. Biraq, osyndaı sýda da balyq ósedi eken.
"Myrzakól kóli 1972 jyldan beri káriz sýy quıylatyn orynǵa aınaldy. "Kókshetaý Sý arnasynyń" kásipornynyń menshiginde. Jergilikti atqarýshy bılik bekitken balyq aýlaǵa bolatyn sý aıdyndarynyń qataryna jatpaıdy", – deıdi oblystyq orman sharýashylyǵy jáne janýarlar álemi aýmaqtyq ınspeksııasynyń bólim basshysy Sansyzbaı Ydyrysov.
1972-1993 jyldar aralyǵynda Myrzakól kóline káriz sýlary esh tazartýsyz jiberilip otyrǵan. Buryn júrgizilgen saraptama nátıjesi boıynsha sýdaǵy zııandy zattar belgili normadan asqan. Kólde tuqy balyqtary bar. Olarǵa júrgizilgen bıologııalyq saraptamalar asqa paıdalanýǵa jaramaıtyndyǵy dáleldenip otyr.
Jyl basynan beri ókiletti organ ókilderi 340 ákimshilik quqyq buzýshylyqty tirkegen. Ákimshilik jazaǵa tartylǵandarǵa 3 mıllıon teńgeden astam aıyppul salynǵan. 100-den astam aý tárkilengen. Áıtse de ıen tegin bolǵan soń sasyq balyq satyp aqsha tapqysy keletinder az emes.
Kókshetaý oblysy
