“Nurly jer” baǵdarlamasymen Inder aýdanyndaǵy 23 páterlik turǵyn úı qurylysyn “Salamat Ábilhaıyrov” jeke kásipkerligi júrgizgen eken. Keıinnen aýdandyq ákimdik ondaǵy ár páterdi 28 mln teńgeden satyp alypty. Oǵan jalpy somasy 630 mln teńge jumsalǵany belgili bolyp otyr.
“Bul turǵyn úıge áleýmettik jaǵynan az qamtylǵan jáne kóp balaly 45 otbasy qonystanǵandy. Alaıda, turǵyndar qysta jáne jańbyr jaýǵan kezde qıyndyqqa ushyrap keledi. Turǵyn úıde tóbeden sý tamshylap, kógerý, syz paıda bolǵan. Osyǵan oraı mobıldi monıtorıng tobynyń jetekshisi Amangeldi Abdolovtyń jedel áreketinen keıin qurylys máselerine jetekshilik etetin aýdan ákiminiń orynbasary A.Musaǵalıev pen aýdandyq qurylys bóliminiń basshysy B.Imanǵazıeva jaýapkershilikke tartyldy”, -dep habarlady oblystyq Sybaılas jemqorlyqqa qarsy is-qımyl departamentiniń baspasóz qyzmeti.
