Damýdyń derbes joly

Prezıdenttiń aıtýynsha, usy­nyl­ǵan Strategııada «úılestirýge jáne birizdendirýge» qatysty qu­qyq­tyq jaýapkershilik ornatý bóli­mindegi ákimshilik jáne qyl­mys­tyq, keden isi, tehnıkalyq ret­teý, tutynýshylardyń quqy­ǵyn qor­ǵaý sııaqty birqatar sala jet­ki­lik­ti deńgeıde pysyq­­tal­ma­ǵan. Nege deseńiz, atal­ǵan strategııa Úki­­metter men Par­la­mentterdiń der­bes quqyǵyn shek­teıdi. Pre­zı­­dent Qasym-Jomart Toqaev «Kom­so­mol­skaıa pravda» gazetine ber­­gen suh­ba­tyn­da da Reseımen stra­te­gııalyq árip­tes ekenimizdi aıtyp, kóbi­nese eko­nomıkalyq alys-beristi ny­ǵaı­týǵa úlken mán beri­le­ti­nin naq­ty­la­dy.

Prezıdenttiń bul jaýaby dıp­lo­matııalyq turǵyda óte durys. De­genmen bul salanyń ózinde árip­tes­tigimizge muqııat qarap, belgili bir deńgeıde shekteý qoıylǵany artyq bolmas dep esepteımin. Onyń sebe­bine toqtalsaq, qazaqstandyq taýar óndirýshilerdi qoldaý úshin eko­nomıkalyq seriktesterimizdiń aı­maq­tarynan keletin ónimderge shekteý qoıylý kerek. Qaı salany alsaq ta, reseılik taýarlardyń otandyq óndirýshilerdi naryqtan ysyryp tastap jatqanyn baıqaýǵa bolady. Olar naryqtyq baǵany ádeıilep túsiredi. Munyń sońy bizdegi kásiporyndardyń jabylýyna alyp keledi. Bul bar tájirıbe. Mysaly, О́skemende jylý oqshaýlaǵysh materıaldar shyǵaratyn iri kásiporyn jumys istegen. Dál sondaı materıal óndiretin reseılik kompanııa kelip, ónimderin eki ese tómen baǵada satty. Osynyń saldarynan otandyq zaýyt jabylýǵa májbúr boldy. Mundaı kásibi turalap, qyzmetin toqtatqan kásiporyndar elimizde az emes.

Memleket ishki naryqty damytý úshin shekteý qoıyp, otandyq isker azamattarǵa basymdyq berý kerek. Túrli ekonomıkalyq odaqtarǵa ene bersek, ishki óndiristik sektordy joǵaltyp alýymyz múmkin.

5-6 ónim túri shyǵarylyp, qaıta óńdeý sektory damymaı qalýy múmkin. Buǵan qaýiptenýge negiz bar. Ekonomıkalyq ıntegrasııalyq baılanystarda belgili bir deń­geı­de shekteýler bolǵany zańdylyq. Qazaq­stannan Reseıge tasymaldanatyn taýarlar keden beketterinde kóptegen kedergige tap bolyp jatyr. Reseıdiń ekonomıkasy shı­kizat resýrstaryna táýeldi bol­ǵan­dyqtan qaıta óńdeý máselesine kórshiles memlekette qazir úlken mán berilip keledi. Demek, ishki sura­nysty qamtý máselesin myq­tap qolǵa alý kerek.

Bizdiń memlekettiń ustanatyn óz ekonomıkalyq saıasaty bar. Áıtse de Reseı halqy 140 mln-nan asa­tyn­dyqtan, olardyń kom­pa­nııalarymen básekelesý qazaq­stan­dyq ká­si­p­kerlerge qıyn. Sol sebepti bul má­selege muqııat qarap, jan-jaq­ty­ oılaý kerek. Pre­zı­dent «Kom­so­molskaıa pravda» gazetine bergen suhbatynda osy máse­le­ler­ge toq­tal­dy.

Álbette Reseımen saıası-ekono­mı­kalyq ynty­maq­tas­ty­ǵy­myz­dan bólek, ortaq tarıhı-mádenı baı­lanystarymyz kóp. Desek te Qaz­aq­stannyń óz ustanǵan joly bar. Osyny kórshiles memleketter eskerý kerek. Mine, Memleket basshysy osy tustardy aıqyn ańǵartty.

Azamathan ÁMIRTAI,

«Baıtaq-Bolashaq» ekologııalyq alıansynyń tóraǵasy