2019 jyldyń qorytyndysy boıynsha, Djersı Djo Ýolkottyń atyndaǵy «Jyl boksshysy» degen eń mártebeli ataqqa jartylaı orta salmaqtaǵy brıtanııalyq boksshy Errol Spens ıe boldy. Ol 2017 jyly IBF belbeýin ıelenip, búginge deıin ataǵyn tórt ret sátti qorǵaǵan. Al jyldyń úzdik áıel boksshysy atalymy boıynsha jeńil salmaqta absolıýtti álem chempıony Ketı Teılor jeńimpaz dep tanyldy. 2016 jyly kásipqoı boksqa aýysqan K.Teılor búginge deıin 15 kezdesý ótkizip, barlyǵynda jeńiske jetken.
Sondaı-aq jartylaı aýyr salmaqtaǵy IBF jáne WBC chempıony Artýr Beterbıev (Reseı), ekinshi orta salmaqtaǵy IBF beldiginiń ıegeri Marı-Iv Dıker (Kanada), jeńil salmaqtaǵy IBF chempıony Morýtı Mtalane (OAR), orta salmaqtaǵy absolıýtti álem chempıony Klarıssa Shılds (AQSh) jáne jartylaı jeńil salmaqtaǵy IBF belbeýiniń ıegeri Djosh Ýorrıngton (Brıtanııa) jyl úzdigi atandy. Al Naoıa Inoýe men Nonıto Doner aıqasy «Jyl jekpe-jegi», Top Rank úzdik promoýterlik kompanııa atalymyn jeńip aldy. 2019 jyly orta salmaqta IBF beldigin oljalaǵan otandasymyz Gennadıı Golovkın júldesiz qaldy.
