"Búgin QR Prezıdentiniń Qazaqstan Respýblıkasy Parlamenti Senaty depýtattarynyń kezekti saılaýyn taǵaıyndaý týraly qaýlysy jarııalandy. QR Konstıtýsııasyna sáıkes, Senat Konstıtýsııalyq zańda belgilengen tártippen ár oblystan, respýblıkalyq mańyzy bar qaladan jáne QR astanasynan 2 adam ókildik etetin depýtattardan quralady. Saılanǵan Senat depýtattarynyń jartysy ár úsh jyl saıyn qaıta saılanady", dedi OSK tóraǵasy Berik Imashev.
Onyń aıtýynsha, osy jyldyń qazan aıynda 2014 jyly saılanǵan Senattyń 17 depýtatynyń ókilettik merzimi aıaqtalady.
"Senat depýtattaryn janama saılaý quqyǵy negizinde jasyryn daýys berý arqyly tańdaýshylar - máslıhat depýtattary saılaıdy. Olardy óz kezeginde respýblıka azamattary saılady. Osylaısha, el azamattary óz ókilderi arqyly Senatty qalyptastyrýǵa qatysady", dedi B. Imashev.
