Bul biryńǵaı kelbetti 2 qabatty taýn-haýs jáne 1 qabatty jeke úılerdegi páterlerdiń 1 sharshy metri "Nurly jer" baǵdarlamasymen 120 myń teńgege usynylýda.
Qalalyq ákimdiktiń málimetinshe, bul aýmaq Kenjekól aýyldyq aýmaǵyna qarasty bolǵandyqtan, jergilikti ákimdik "Nurly jol" baǵdarlamasy arqyly baspanany satý týraly habarlandyrý bergen. Jalpy, Áýejaı qalashyǵyndaǵy jeke úıler qurylysyna jer telimi 2007 jyly berilgen. Sol kezde jer kodeksiniń talabyna sáıkes kezekte turǵan azamattarǵa 10 sottyq jer tegin úlestirildi, qosymsha sharýashylyq maqsatynda 5 sotyqtan satyp alǵan.
Biraq, ınjenerlik ınfraqurylymnyń (elektr jelisi, sý jáne kanalızasııa qubyrlary, jylý kózi) tartylmaǵandyqtan, jer ýchaskesiniń ıeleriniń 10 jyldan astam ýaqyt boıy qurylys bastamaǵan. Keıin qalalyq qurylys bóliminiń tapsyrysymen respýblıkalyq bıýdjetten eki kezeńmen bólingen qarjyǵa elektr jelisi tartylady.
Al, 120-dan astam adamnyń jer ýchaskeleri ýaqytynda ıgerilmeýi sebepti memleketke qaıtarylǵan. Biraq, 120 sharshy metrden asatyn, 2 qabatty taýn-haýstarǵa ortalyq jylý qubyry tartylmaǵandyqtan, turǵyndar úılerin jeke peshpen jylytýǵa májbúr. Tipti, jylý qubyrlar tartylǵan, biraq, urlanǵan, oblys ortalyǵyndaǵy Dostyq jańa shaǵyn aýdanyn jylýmen qamtýǵa paıdalanylǵan kórinedi. Turǵyndar oblystyq ákimdikten kinálilerdi taýyp, jylý qubyryn qaıta qalpyna keltirýge májbúrleý kerektigin suraıdy. Jergilikti ákimdikter, quqyq qorǵaý organdaryna resmı suranys túsirmek.
Pavlodar oblysy
